Daily Newspaper

NSCN (IM) te India sorkar laka an lungawilohna belh zel

28

National Socialist Council of Nagaland (IM) te central sorkar nena inbiakna nei mek chuan Prime Minister Narendra Modi hnenah February thla khan lehkha thawnin ‘India rama an awm remtih tawh loh’ a nih chuan ram danga inbiakna neih ni se tiin an rawt thu an sawi.

Phek riata chhah ‘confidential’ letter-ah hian interlocutor leh Nagaland Governor ni bawk RN Ravi leh Ministry of Home Affairs te chu an sawiselna hle a. Hei bakah hian NSCN (IM) te chuan Naga flag neih leh constitution hran neih te an phut tlat thu an sawi bawk a. An lehkhathawn hi Prime Minister’s Office atanga chhanletna an dawn loh thu an sawi bawk.

“Thla sarih kalta khan Muivah chuan Prime Minister of India hnenah lehkha a thawn a. Prime Minister of India-in a tha lama min chhan let beisei in kan lehkhathawn te mipui hriatah kan tlangzarh duh lo char char a ni. NSCN (IM) te chu Naga mipuite tana rintlak a nih angin he lehkhathawn tihkhawtlai a nihna leh Indian Prime Minister Office in kan mi te laka chhanletna a neih loh thu hi kan sawi a ni,” tiin NSCN (IM) te chuan thuchhuah siamin an tarlang.

NSCN (IM) te chuan inremna awm theih nana inbiakna political dialogue chu a sang ber atanga hniam zawka dah tumna a awm thu an sawi bawk a.

“Ministry of Home Affairs (MHA) leh a agency NIA leh Assam Rifles te cetdan ngaihmawhawm tak kan rawn thlen a. In hriat theuh angin, kum 22 chhung political negotiation chu a sang ber Prime Minister-level a inbiaknaah thu delhkilh awm sa lovin India ram pawnah neih thin a ni a. India ramah hian Government of India sawmna angin kan lokal a ni. Kum sawm hnih chuan politics thila chinfel tum a nih laia MHA leh an agency te chetdan ngeiawm hi mak kan ti a ni,” tiin Thuingaleng Muivah chuan a ziak a ni.

“MHA ten Nagaland sorkar kaltlanga chetlakna an neih thar berah Dimapur-a kan awm chungchangah ngaihmawh an nei a. Nagaland-ah hian kan mite hmutur leh inremna atana inbiakna avanga awm kan ni a. India rama kan awm hi in duh tawh lo a nih chuan India kan chhuahsan theih nan ruahmanna siamin inbiakna pawh ram dangah kan nei mai tur a ni,” tiin a sawi bawk.

NSCN (IM) te chuan kum 1997 daih tawh khan inremna atana inbiakna neih chu New Delhi-in Naga issue chu political issue anga pawma India ‘ram chhung dan leh hrai lekkawh buaina’ ang ni lova a pawm tak vang a ni.

Kum 2015 khan Centre chuan NSCN (IM) te nen framework agreement siamin hei hi inremna tluantling neih nana tihmakmawh a ni a. Mahse, inremna tluantling chu NSCN (IM) te demand te avangin siam theih a ni ta lo zel rih a ni. MHA te chuan NSCN (IM) te hi Intelligence Bureau te hmangin ‘informal talks’ a neihpui ta thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy