Rama nungchate chetla lai thla lakin an awmna lai chiang taka sawilan tel zel loh nise an duh tih ramsa humhalh kawnga hma latua thlan – Honorary Wildlife Warden ho chuan an sawi.
Honorary Wildlife Wardens Mizoram chuan, nungcha humhalh kawngah mipui kan harh zel a, nungcha kan hmuh chang pawhin tih nat duhna aiin a thla kan la ta thin chu a lawmawmin hmuh a nuam hle tih a sawi. Chutihrualin, ramhnuaia nungchate thla kan laka kan thehdarhin fimkhur taka thehdarh dan thiam a ngai tih an sawi a. ‘Kan thlalakna hmun leh ramsa kan hmuhna hmun kan post tel hian kan humhalh duh nungchate kha dinhmun hlauhawmah kan dah hlauh zawk a ni,’ an ti.
Nungchate dinhmun hlauhawma an awm nia hria chuan social media lamah an awmna hmunhma thehdarh tel loin, thuneitute hnena hrilh zawkin awmzia a neih ngei an ring tih an sawi bawk.
‘Nungchate pel nan silai aiin camera hmang zawk ila. Kan rama nungchate hi tih hlum tham pawh kan nei ta meuh lo. Humhalh tham lek kan nei tawh a. Kan dam khawchhuah nan nungcha, thing leh mau humhalh zel ang u,’ an ti.
Nungcha thla latu ten an awmna sawi tel lo se
