Nupa hlim te awm dan
Nupa, kum eng emaw zat inneih tawh hnuah pawh la inthlahlel em em a, la inngai em em reng an awm thei a, mahse, chutiang chu khawvela nupa zawng zawng te awmdan erawh a ni hauh lo.
Relationship lama mithiam ten nupa hlim te zia ni a an sawi te kan rawn tarlang dawn a ni.
Nupa hlim chu an ti ti thin. Psychologist Terri Orbuch, ‘5 Simple Steps to Take Your Marriage from Good to Great’ tih lehkhabu ziaktu chuan, “Ti ti dun fo hi nupa hlimna thuruk pakhat chu a ni,” a ti.
Orbuch hian nupa tuak 373-a zirchianna a neih atangin, nupa hlim te chuan an suangtuah te an sawi dun a, a nitin nuna an thil gtawn te, a hmalam hun leh lawmna leh lungngnaihna te an inhrilh tawn thin tih a hmuchhuak niin a sawi. Chuvangin Orbuch chuan nupa hlim nan nitin minute 10 tal ti ti dun thin tur niin a sawi.
Nupa hlim te chuan an kawpuii ten thil an thlir dan tur an ngaihruat sak thin. Ngaihdan inanna lohna a awm chang pawhin an kawppui te thlirna tlang atanga thil thlir dan an thiam a, chu chu nupa hlim nan a pawimawh hle niin Orbuch chuan a sawi.
Northwestern University-a social psychologist Eli Finkel leh a thawhpui ten zirchianna an neihah pawh, kawppui te nena inhauh leh inhnialna a thlen chang pawhin, minute sarih vel an kawppui te nena an ngaihdan inanna lohna chu an thlirna tlang atanga thlir puiin, an hmuhdan ziak thin turin an ti a. Chutianga ti thin te chu a ti ve lo te aiin an nupa inkar an hlim zawk tih an hmuchhuak niin an sawi tlat bawk.
Kawppui te tana thil phal leh inpe zo te chu nupa hlim an ni chawk tiin University of Virginia-in National Marriage Project an neih atangin an hmuchhuak niin an sawi.
Zirchianna an neih atangin an kawppui ten ti tura an tih pawh ni lem lo lo tihsak thin hian nupa an hlim duh niin an sawi. Kawppui te nuam tih zawng leh an duh zawng, an phut chhuah ni kher lo a tihsak hian nupa hlimna a thlen niin an sawi.
Nupa hlim te chu an nui dun thin. Relationship lama mithiam te chuan nupaa fiamthu thawh dun te, thil nuihzatthlak tih dun te, nuihtiza film en dun leh fiamthu chhiar dun te hian nupa hlimna a thlen thei niin an sawi.
Nupa hlim te awm dan
