Daily Newspaper

Nupa kara boruak tha lo engtin nge i tih ang?

8

Nupa nun emaw, inngaihzawnna boruak emaw pawh ni se, nuam veng veng leh tek deuh chuai chuai kha a awm reng bik lo. Chutiang karah chuan boruak tha lo te a lo inmung duh hle a, a chhe zawk thlen hmaa chinfel dan kan thiam loh a pawi ta thin.

Nunah hian thil thenkhat dawn chian ngai bik a awm ni ten an sawi thin, chutiang zingah chuan nupa emaw inngaizawng te inkar emaw a boruak tha lo pawh hi a tel ang. Ngaihdan inan lohna te, mahni induh ve tawkna leh chapona te, eng emawa inlungrual lohna te, duh zawng leh duh loh zawng inan lohna te leh thildang vang te pawhin boruak tha lo a lo piang thei. Chutiang chu thil awm ngai lo leh mite tawn ve loh pawh a ni bik lo ve.

Hetiang boruakah hian uluk taka ngaihtuahna hman a tul a, thil reng reng a thatna leh that lohna te buk tawnin, thinrim viau tur a ni em tih te ngaihtuah thin tur a ni. Inhnial leh inhauhna tawp hleithei lo te chuan kan in chhung boruak a tihchhiat hmain kan tawpsan a ngai a, khawilaiah nge dik lo awm tih hriat tuma rilru kan sen a tul thin.

A hmasa berah, nupaa thut dun a, eng nge dik lo tih hriat tuma sawidun a pawimawh. Khawilaiah nge, eng vang nge, tih te hriatchhuah tum tur a ni. Chutiang chu harsa i ti mai thei, mahse, khawvelah hian thil tha kan duh chuan engmah a thlawna neih theih a ni lo, eng emaw chu kan tih ve a ngai tih hriat reng tur a ni. Bul tantu ni la, i kawppui chu titi pui rawh.

Chutia in titi dunnaah chuan insum theihna a pawimawh hle a, thinrimah i lak zel chuan inboruak a tichhe telh telh ang. Chhanna nem leh zaidam hmang la, i rilru puthmang te chu awka nem takin sawi ang che.

I kawppuiin i dik lohna ni a sawi te chu insawithiam tum loin pawm mai rawh. I kawppui chu boruak tha siam tura hmalatu turah ngai bik lo la, nangmah kha hmalatuah tan tum ang che.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy