Nurse zirlaiten thutiam la
School of Nursing, Thingdawl Kolasib chuan nurse zirlaite thutiam lakna – ‘4th Capping & Lamp Lighting Ceremony’ chu Ningani khan an hmang.
He hun hmanpuitu Mizoram Nursing Council registrar Lalduhsaki chuan School of Nursing Thingdawl chu thawktute leh zirlaite inpekna avangin Mizoram pum ang pawha result chhuanawm tak nei thin a ni tih sawiin, nursing school-in hma a sawn zel theihna’na sawrkar hmalakna thlawp tura khawtlang leh tlawmngai pawlte inpekna fakawm a tih thu a sawi. Nurse hna chu mahni mihringpuite tana rawngbawl tura inpekna thuk tak nen thawh ngai a nih avangin tlawmna nun neih a pawimawh tih a sawi a ni.
Principal Laltanpuii sawi danin, School of Nursing Thingdawlah Boys’ Hostel hranpa an neih loh avangin duh angin zirlai mipa lak an ni thin lo a. Kum 2021- 2022 a Mizoram Nursing Council hnuaia exam neihah 1st year zirlai atangin 1-na, 7-na leh 9-na dinhmun an hauh a; 2nd year zirlai atangin 5-na, 6-na, 8-na hauhin, 3rd year atangin 1-na, 4-na leh 7-na an hauh. Tun tumah hian zirlai 40-te tan Capping & Lamp Lighting Ceremony hi neih a ni a; batch tinah zirlai 20 zel awmin tunah hian zirlai 61 an awm mek.
Nurse zirlaiten thutiam la
![](https://theaizawlpost.org/wp-content/uploads/2023/03/nurse-1024x682.jpeg)