Congress te chuan Prime Ministr Narendra Modi chuan other backward classes (OBC) leader tia inchhal chungin eng vangin nge a sorkar chuan caste survey a neih loh tiin zawhna an siam.
All India Congress Committee headquarters a Capt Ajay Yadav (retired), party’s OBC department enkawltu in press conference a kohah Bihar caste survey chuan politics mai bakah policy kalphung a thlak danglam vek dawn tiin a sawi.
“Modiji hian OBC leader a inti a, Teli community mi leh sa a ni a. OBC lem a niang, ni lo se chuan caste census a nei tawh ang,” tiin Yadav chuan a sawi a.
Caste census hnuhnung ber chu kum 1931 daih tawh khan neih niin khatah khan population atangin OBC te chu 52% an ni a ti bawk a. “Tunah Bihar data chuan 63% tiin a sanna hi 11% lawih a ni,” tiin a sawi bawk.
Yadav chuan heng data-te hian community-a political participation nasa zawkin a pui dawn a, chumai bakah educational status te leh housing, transport leh thil pawimawh dang dangte pawh a lailang thei dawn a ni tiin a sawi bawk a.
Tuna a lan dan chuan Central university-a professor 9% chauh te chu OBC community an ni a, judiciary lama an share pawh 4% chauh a ni a ti bawk.
OBC inti a OBC ngaihsak lovah PM Modi puh
