Daily Newspaper

Oct. 3 – Arsenal in Fans beisei

10

October ni 3-ah khian Premier League match-ah Arsenal chuan Sheffield United an hmachhawn dawn a. Emirates Stadium-a inkhelah hian Arsenal hian entu mipui an neih theih tawh an beisei.

Covid 19 hripui lengin khawvel a tibuai a, infiamna engemawzat a khaihlak a, inkhel hmuh-nawm tak tak pawh entu awm lova neih a ngaih phah. Inelna in a nih tur ang a ni phak lova, sum lak luhna kawngah har-satna tam tak a awm bawk. Hetiang boruak thim tak hi a kiang ve mek zel a, Arsenal chuan entu mipui an beisei ve leh tan ta.

October ni 3-ah Shefield United an mikhual hunah hian in thut hlat pangngai tak chung siin entu an neih theih an beisei. Gunners hian mipui nawlpui chu an la beisei ngam chuang lova, gold season ticket neitute leh premium member te duhsak phawt in, anni hian khelmual an pan thei tawh turah an ngai. Arsenal hian September ni 30-ah hian West Ham mikhual in, season thara a hmasa ber atan an mualah an inlan dawn a, hemi tum hi chuan entu an la awm lo thung ang. EPL ah hian Amex Stadium a Brighton leh Chelsea te inkhel chu entu awm hmasa ber tura ngaih a ni a, he inkhel hi mi 2500 ten a hmunah an en tura ngaih a ni. Khelmualah mipui te hian British sorkar dan zawm chungin khuah-khirhna khauh tak chu an zawm a, an ngaih pawi-mawh hle a ngai dawn thung.

Mizoten tualchhung league kan ngainat leh kan en nasat ber English Premier League hi September ni 12-ah khelh tan a ni dawn a. Arsenal hian khualmualah bul tanin, kai thar Fulham hmachhawn in bul an tan dawn a, chak theihna hun tha a nei ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy