Odisha, India-a a cheng Sanath Rath chuan tree pose (brukhyasana) tih rei theihah Guinness World Record a siam. He tree pose an tih hi yoga pose chikhat a ni a, ke pakhatin an ding a, a ke khing chuan an khup chungah an rap leh a, an kut pahnih âwm zawnah kut phah a inhawitawn zawngin an insik tir thin bawk.
Hetiang tree pose an tih mai hi a ti thang lo tan chuan minute hnih khat lek pawh harsa tak a ni dawn a, Sanath hi chuan darkar khat leh minute 6 leh second 55 a ti thei a, Guinness World Record a siam ta a ni.
Sanath chuan a record siam hi yoga chawi lar nana a tih niin a sawi a, “Yoga, cycling leh exercise te hi thalaite tan a pawimawh tak zet a ni. Hetiang kan tih hian kan lo in-fit a, stress pawh kan neih loh phah zawk thin,” a ti.
Sanath hi tunhma deuhin Limca Book of Records-ah pawh a lo lang ve tawh a, thirsakawr chi hrang hrang lak khawm tam lamah he record bu-ah hian a lo lang tawh bawk. Sanath chuan, “Ka naupan lai atang tawhin world record eng emaw tal siam ve ka chak thin. Tunah chuan Guinness leh Limca Book of world record-ah ka chuang ve ta a, ka duhthusam leh suangtuahna te a lo thleng dik ta a, ka lawm a kim e,” a ti bawk.
(THE AIZAWL POST – Phuah Pawlh)
Full>> ePaper Subscribe
