Office bun turin Income Tax ngen

Income Tax department-in Aizawlah office nei ve thei se a duh tih chief minister Lalduhoma chuan he department hotute a ngen.
Principal chief commissioner of Income Tax North East Region Chaitali Panmei, IRS leh a thawhpuite chuan Thawhlehni khan chief minister hi a pisa-ah an hmu a. Mizoramah income tax pe hnathawk engemawzat an awm a, Silchar-ah lehkha tifel turin kal a ngai thin a, heng mite tana awlsamna a awm theih nan IT department hian Aizawlah office nei ve thei se thaa a rin thu a lo hrilh.
Income Tax hotu chuan hma lak an tum dan leh Mizoram sawrkar thawhpuina an mamawh thute a thlen ve bawk.
Chief minister hi commissioner & secretary to chief minister Vanlaldina Fanai chuan a tawiawm a ni.