Daily Newspaper

Oil reserve siak chhuak turin Biden-an thu a pe

31

US President Joe Biden chuan energy cost sang lutuk tihnep nan leh American maktaduai tel tena Thanksgiving travel awlsam zawka an neih theih nan America strategic reserve atangin oil 50 million barrel siakchhuak turin thupek a pe a.

He hmalakna hi inflation sang zual zel tur dan nana Presidential administration-in a hmalak theihna niin hei vang hian hun eng emawti chhung chu thil man pawh a san loh phah dawn a. Americans tin te tana chanchin lawmawm a ni.

Eng nge petroleum reserve?
America’ in Strategic Petroleum Reserve hi Texas leh Louisiona a salt cavern-h a nei a. Kum 1970 chhova Arab oil chawkluh lama harsatna nasa tak siam a nih laia emergency a hman theih tura oil dahthatna hi siam a ni. Tun hnaiah global oil industry a inthlak danglam nasa hle a, US chuan oil a lakluh aiin a thawnchhuah a tam tawh zawk.

Strategic Petroleum Reserve atanga oil lakchhuah theih hi bituk siam a ni a. Tun hma pawhin US sorkar chuan nikhatah one million barrel te a siakchhuak tawh thin a, 50 million bareel hi US thlahnih hman daih vela ngaih a ni.

Eng vangin nge Joe Biden an reserve a lakchhuah?
Market-ah oil tam zawk a awm chuan a man a tlawm beisei vang a ni. Mahse, chu chu tun dinhmunah a la thleng mai thei lo thung. Mahse, khawvel hmun danga thil thleng azirin oil man chu tlahniam thei a ni thung.

Oil siakchhuah tur puan a nih hnu hian Oil man chu a to nghal hret zawk a. Mahse, tuna oil man to hret hi a ni reng ang tihna a ni lo va, tun atanga thlakhat velah thil awm dan a lang chiang tak tak chauh ang, tiin Jim Burkhanf, vice-president, IHS Market chuan a sawi.

OPEC te?
OPEC oil cartel te chuan tunkar hian oil siakchhuah tihpun tur nge tihtlem zawk turah thutlukna an siam dawn a, OPEC ram te hi oil man bithliahtute ber an ni. Tun thla tir lam khan Biden chuan OPEN ram te Saudi Arabia-in a kaihhruaite chuan oil siakchhuah an tihpun a beisei thu a sawi a, mahse, OPEC te chuan nikhata oil siakchhuah hi an tipung tha duh lo thung.

OPEC tena oil man sang zawk an duh a nih chuan an member theuh ten an siakchhuak tlem mai dawn a. “Zan khat thil thuah thil an thlak danglam thei vek,” tiin Burkhard chuan a sawi a. “Zawhna awm ta ber chu OPEC te hian eng tin nge an ngaih ang tih a ni,” tiin a sawi bawk.

Biden chuan India, China, Japan, South Korea leh UK te chu lamtangah siamin an strategic oil reserve atanga siakchhuak vek turin a ngen a, hetiang thil hi a la thleng ngai lo, tiin Claudio Galimberti, senior vice-president for oil markets, Rystad Energy chuan a sawi. Galimberti chuan heng ramte hian market-ah oil 70 million atanga 80 million barrel vel an chhawp chhuak thei dawn a ni, a ti bawk.

“Oil lalut nasa ram te inlungruala an chetlakna a ni,” tiin a sawi a, “Thil an thlak danglam thei ang em tih leh OPEC-plus te an el pha ang em tih chu zawhna a ni a. A chhanna chu an thei lo hul hual,” tiin a sawi bawk. A chhan chu oil importer te chuan an strategic petroleum reserve an hmang a, chu chu chintawk nei a nih tlat vang a ni a, OPEN leh an thawhpui ramte chuan oil reserve kum tam tak daih an nei tlat thung a ni, tia sawi bawkin “Hei vang hian khaikhin theih a ni lo,” tiin Galimberti chuan a sawi bawk.

Oil man a hniam ang em?
Consumer tam ber tena an hriat chak ber chu petrol pump-ah a man a tlahniam dawn em tih a ni. Petrol leh diesel man san chhanah thil hrang hrang a awm a. Refinery ten advance-in crude oil an lei a, hei vang hian oil man sang taka an lei hmangin chet an la la zel a, state hran hranin chhiah an lak dan a inang lo bawk. OPEC-in oil siakchhuah a titlem lo a nih chuan oil man chu gallon khatah 10 cent atanga 15 cent velin a tlahniam thei tura ngaih a ni a. Oil man a tlahniam lo a nih chuan Biden administration chuan tihhniam a nih theih nan hma an la ngei tiin an insawi thei thung.

Oil pawimawhna?
US-ah chuan oil leh gas hi political flashpoint a ni reng a, a bik takin company leh sorkar agency te chu climate change vangin clean energy lamah an inchaibuai lai a ni.

US oil leh gas industry te chu energy lama intodelha US an siam avangin fak an hlawh hle a. Tun hma chuan US chu oil lakluha innghat bur niin tunah erawh US oil-a innghat an tam tawh a, supplier pawimawh tak a ni tawh. Oil leh gas company ten US ah hnathwk maktaduai 10 vel an nei a, gross domestic product a an thawh pawh 8% lai a ni.

Oil man a sanin Company te an hlawk a, mahse, consumer ten an duh lo thung bawk si a ni. A buaithlak lai ber chu oil hman lem leh oil a innghahna tihtlem nana hmalak a ni chungin oil man a sang zel bawk si. He thil pahnih inmil si lo hian demand leh supply-ah harsatna hun rei tak a la siam turah ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy