Zanin dar 11:15 atangin UEFA Europa League – last 16 khelh tan a ni dawn a. Manchester United chuan Spain club Real Betis an hmachhawn dawn. Liverpool lakah 7-0 ngawta an mualpho hnu lawkah Red Devils hian insiamthatna hun rem-chang a nei dawn a, Old Trafford-ah La Liga club an mikhual dawn. United leh Real Betis te hi zan lai dar 1:30-ah an inkhel tan ang.
Manchester United leh Real Betis te hi inelnaah an la inhmachhawn ngai lova, friendly match vawi khat an khel tawh thung. Friendly match-ah hian Real Betis hian English club lian United an hneh. Last 16 play-off-ah La Liga hmahruaitu FC Barcelona hnawt-chhuak thei an nih vangin Manchester United hi Real Betis lakah chak tura rinkai an ni.
United hi inelna hrang hranga an khelh hnuhnung pangaah vawi li an chak a, vawi khat tlawm zawkah an tang. An khelh hnuhnung berah an hmelma lian ber Liverpool lakah an mualpho thung. Reds lakah dawl zawr taka an zawr hi United manager Erik ten Hag chuan mahni lu hloh ang maia na a nih thu a sawi hial. Betis lakah hnehna lian changin, an hmingchhiatna khuh mawi ngei an tum dawn. An mualpho hnu lawka United hmachhawn hi an thinrim inhrikthlakna an nih theih vangin Real Betis tan thil chakawm a ni dawn hauh lo.
La Liga-ah panganaa awm mek Real Betis hi an khelh hnuhnung pangaah vawi thum an chak a, vawikhat tlawm zawkah tangin, vawikhat dang an khingpuite nen an inhnehtawk bawk. Old Trafford ah thil mak thlentir a, hnehna chan tumin tan an khawh ang.
Europa League last 16-ah hian Premier League hmahruaitu Arsenal chuan Mimualah Sporting Lisbon an hmachhawn dawn a. Sporting Lisbon leh Arsenal hi dar 11:15-ah an inkhel tan ve thung ang.
Old Trafford-ah Real Betis
