Daily Newspaper

Olympic-a Mizo inlan tur awmchhun Siami bihchianna

104

Mizo rawlthar ritchawi chak Jeremy Lalrinnunga chuan kan hma lawk Tokyo Olympic Games-a India aiawh tur zawnnaah a tum ram thleng zo loin khawvela infiamna hun pui ber a thleng zo ta lo a, Mizote innghahna dang pakhat Aizawl Govt. Complex weightlifter a tlin zawh tak lohah chuan Kolasib nula Lalremsiami chu Japan rama Mizoram leh khawvel hmun tina Mizo hnahthlakte beiseina awmchhun a ni dawn ta.

India hmeichhe hockey team player pawimawh ni mek Siami hi Lalthansanga (L) leh Lalzarmawiite fa pariat zinga a pangana ni turin kum 2000 March ni 30 khan a lo piang a, Kolasib College Veng naupang kha Tokyo Games hmeichhe hockey tournament-a India innghahna pawimawh pakhat a ni dawn.

Lalremsiami hian kum 2011 February ni 10 khan Thenzawla SAI Women Hockey Training Centre zawmin, he hmunah hian kum nga leh thla sawm chhung hockey khelh a zir a, kum 2016 November ni 11-ah National Academy-a inzirbelh turin sengluh a ni.

Siami hi a naupan tet lai atangin hmeichhe naupang tha za leh tharum pawh mahni tawka nei tak a ni a; sport a tui em em a, hockey a luhchilh hnuah pawh midangte tiphur thei khawpin a tuichilh nghal reng a ni.

Kum 10 mi lek a nih laiin Kolasib middle school games hockey inelnaah ‘best player’ atan thlan a lo ni daih tawh a; kum 2011 February 2-5 chhung khan Thenzawla SAI trial session-ah inlanin, February ni 10-ah SAI Women’s Hockey Extension Centre, Thenzawla lut turin ziahluh a ni.

Chu hmunah chuan SYS Mizoram state coach pathum Lalrampari, Lalrothuami leh Lalhmingkimi bakah SAI coach Jagan Topno-te’n kum ruk zet an hrual.

Grassroot level bikah hian Lalrampari, Lalhmingkimi leh Lalrothuamite enkawlna hnuaiah bul a tan a, development level-ah Lalrampari, Lalrothuami leh Jagan Topno-te’n an hrual chhunzawm.

National coaching camp a zawm hnuah kum 2016 November ni 11 khan SAI National Hockey Academy, New Delhi a zawm a, chu hmunah chuan nasa lehzualin a talent a chherhriam a, Olympic-a India medal hmeichhe hockey team-a an player pawimawh a ni chho ta hial a ni.

Tun thlenga a hlawhtlinna leh chawimawina a dawn tawhte hi tlar thlak ngial tham a tling tawh a, national leh international kawtkaia a sulhnu hi a hmuh awlsam zawngin kan han dahchhuak e.

National
1. 59TH All India National School Games 2014 (U-14) – Champion
2. 60th All India National School Games 2015 (U-17) – Champion
3. 5th National Sub Junior Hockey Tournament (B Division) – Champion
4. All India Inter SAI Hockey Tournament 2015 (U-16) – Champion
5. 6th National Sub Junior Hockey Tournament 2016 (B Division) – Champion
6. All India Inter SAI Hockey Tournament 2016 (U-19) – Silver medal
7. Junior Nehru hockey Tournament(New Delhi) represent in the year 2012 To 2016

International
1. 2016 – Asia Cup U-18 (Bangkok) – Bronze Medal
2. 2017 – Asia Cup Senior (Japan) – Gold Medal
3. 2017 – Netherland tour
4. 2017 – Test match with belerus
5. 2018 – Spain tour
6. 2018 – Asian champion Trophy (Korea) – Silver Medal
7. 2018 – Common wealth Games (Australia) – 4 place
8. 2018 – youth Olympic qualifying round (Argentina) – Silver medal
9. 2018 – Youth Olympic Games (Argentina) – Silver Medal
10. 2018 – World Cup ( London) – Quarter Final
11. 2018 – Asian Games (Indonesia) – Siver Medal
12. 2019 – Spain tour
13. 2019 – Malaysia tour
14. 2019 – Republic of Korea tour
15. 2019 – FIH Women Seris Final (Hiroshima) – Gold Medal
16. 2019 – Tokyo 2020 Olympics test Event – Gold Medal
17. 2019 – England tour
18. 2019 – FIH Hockey Olympic qualifier (Odisha) – Qualified for Tokyo Olympic
19. 2020 – New Zealand tour
20. 2021 – Argentina tour
21. 2021 – Germany tour
22. 2021 – Tokyo Olympic

Award: 1. 2018 – Rising star of the year (Asia) 2. 2019 – FIH Rising star of the year

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy