Daily Newspaper

Olympic champion lai hnehtu India

8

Oi Hockey stadium-ah India mipa hockey team chuan Nilaini khan 3-1-in defending cham-pion Argentina an hneh a, an group-a an vawithum chakna chiah niin, he hnehna hmang hian Pool A-ah pahnihna dinhmun an sawhnghet a, Olym-pics men’s hockey tour-nament kal laiah quarter-final an lut.

Olympic-a vawiriat champion tling tawh India mipa hockey team hi game li an khelh tawhah vawikhat an tlawm a, Australia pha loin an pool-ah pahnihna dinhmun an luah a, group pahniha a sang pali ve vein last-eight stage an lut dawn a ni.

India hian vawiin semi-final luh inchuh match pakhatah mual-neitu Japan an su leh dawn a, hei hi an pool match hnuhnungber a ni nghal ang.

South American an hneh tuma India goal hmasaber kha minute 43 penalty-corner atanga Varun Kumar tihluh niin, minute 48-ah Argentina chuan a vawikhatna atan penalty-corner an hlawhchhuak ve a, Maico Casella chuan goal-ah chantirin an siphurh a sut.

India hian nawr chhunzawm nghalin, an goal hnihna hi Dilpreet Singh thawhrah atanga Vivek Sagar-a vuakluh a ni a, a ball vuak hian Argentine goalkeeper Vivaldi tiang a fuh a, a goal zui ta a ni.

India goal thumna hi he inkhela an penalty-corner vawiriat hmuhna atanga Harmanpreet Singh-a tihluh a ni.

An title humhim tura Tokyo thlawklut cham-pion lai Argentina hi an che fuh lo tluang viau a, team paruk awmna an group-ah pangana din-hmun luain, vawiin an preliminary match hnu-hnungbera New Zealand an hneh zawh loh leh chuan last 8 luh beiseina an nei thiang tawh lo ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy