Daily Newspaper

Olympic Village-ah hripui kai hmuh belh zel

38

Olympic Village-a awm infiammi pathumte chu Covid-19 an kai tih hmuhchuah a nih thu Games Organising Committee (OC) te chuan an sawi a. Olympic hi July 23 a hawn tur a ni.

Tun hi infiammite village-a cheng tena hripui an kai hmasak ber niin tute nge an nih erawh organisers te chuan an puang lo va. Infiammi pahnih chu village-a cheng niin pakhat erawh Games hotel a awm a ni thung.

A pumpuiah mi 10 hripui kai tih hriatchhuah a ni a, heng zinga panga te chu games kaihhnawiha inhnamhnawihte niin pakhat contractor leh journalist pakhat a tel bawk.

Tihian Games kaihhnawih hrim hrima Covid-19 kai hmuhchhuah tawh zat chu 53 an nih thu OC record chuan a tarlang.

“Covid kai an awm tawh chuan chetlak zui nghal ngai a ni a, tu te nge an kaihhnawih hriatfiah nghal ngai a ni. Data a hripui kai tih ngawt a tawk lo va, chetlak zui a, test a kaihhnawih te neih nghal ngai a ni” tiin International Olympic Committee’s (IOC) Games Executive Director Christophe Dubi chuan a sawi a.

“Japan an luh hmain infiammi 18,000 vel te lakah Covid-19 test 40,000 chuang neih a ni a. Airport ah enfiahna chu mi hnuah regular screening, nitin test an hmachhawn reng a ni,” tiin a sawi bawk.

“July ni 1 hnu khan infiammi 18,000 velin Japan an lut tawh a. An vaiin Japan luh hmain negative test result pahnih nei vek an ni a. Japan an luh hnuah test an hmachhawn leh a. Heta an awm hnuah inkhuahkhirhna khauh tak hmachhawn reng an ni,” tiin Pierre Ducrey, IOC Games Operations Director chuan a sawi.

Olympic hi thlirtu awm lova neih tur niin tun hnaiah Japan-ah nikhatah hripui kai 1,000 chuang te an awm tak zel avangin fimkhur zual a nih phah a ni.

Sawisel a ni chungin IOC President Thomas Bach chuan Games chuan Olympic Village a cheng te leh Japan mipui nawlpui tan hlauhthawn tur engmah a thlen lo tiin a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy