Daily Newspaper

Olympics TT: Sharath tlang, Manika tla

11

Tokyo Olympics table tennis men’s singles second round-ah game hmasaber hloh zet chungin India player Sharath Kamal chuan Portugal aiawh Tiago Apolonia lakah 2-11, 11-8, 11-5, 9-11, 11-6, 11-9 hnehna a chang a, defending champion Ma Long of China lakah fiahna tak tak a hmachhawn zui leh ang.

Kum 39 mi Sharath hi table tennis men’s singles draw-a Indian dam awmchhun ni tawhin, vawiin hian third round match pakhatah reigning Olympic champion Long a tum dawn a, he sport-a singles title la zo zeltu Chinese Long hi mipa TT player piangchhuak tawh zinga tha bera ngaitu ngah a ni a, Olympic-a champion lai a nih mai piahlamah reigning world champion a ni tel a, 32-ranked Sharath tan third round paltlang chu beiseiawm loha ngaih a ni.

Chu chu vantlang rin dan ni mah se 59th-ranked Apolonia laka a khelh dan avangin Indian hian round of 32 lut turin inrintawkna a la nei ve fan a, media lamin ‘mighty Chinese’ an tih mai Long tan vawiin hi a match hmasaber tur a nih chauh avangin match hnih khela chak ve ve tawh Sharath hian beisei a nei ve tlat!

Vawiina a hmachhawn tur Ma Long chungchang sawiin, “Round hmasa pahnih a bye avangin match a la khel ve lo a, chuvangin pressure a nei ngei dawn a, ka sawi tawh angin, tun aia game khelh that ka la nei loin ka hria a, beiseina nen ka sual tawk ve ngei ka ring,” a ti.

Hmeichhe singles lamah Manika Batra leh Sutirtha Mukherjee-te’n Thawhtanni khan an tumpui ve ve an hneh lo thung.

Star Indian player Manika chuan tuihnai taka a Olympic zinkawng hmasa a paltlang hnuin third round-ah Austrian 10th seed Sofia Polcanova a hmachhawn a, Pathiannia world number 32 barakhaihtu Manika kha a ni ta lo emaw tih turin attacking left-hander lakah 0-4-in a tlawm.

Women’s singles second round lamah Mukherjee pawhin kum 42 mi lai ni tawh, Chinese thisena piang, Portugal tana inlan Yu Fu a ngam lo a, Olympic-a a inlan vawikhatnaah 98th-ranked Indian hi straight games (3-11 3-11 5-11 5-11)-in world number 55 Fu lakah a tlawm.

Hnufual chunga Sweden player Linda Bergstrom laka hnehna chang tawh Mukherjee hian game thumnaa 1-4-a a hnufual laiin timeout-ah a coach Soumyadeep Roy a berawn a, mahse, veteran tawnhriat ngah Yu Fu a lehthal zo ta chuang lo a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy