Daily Newspaper

Omicron lakah vaccine that leh that loh

47

India rama vaccine pekchhuah mekte Omicron laka a that dan chu karkhat hnuah hriatfiah a nih tur thu Union Health Minister Mansukh Mandaviya chuan Rajya Sabha-ah a sawi.

Rajya Sabha-ah hun rei lo te chhungin Omicorn chungchang sawihona neih a nihnaah Minister hian a sawi a ni.

India ramah Omicron kai 200 chuang hmuhchhuah tawh niin 14% te chuan an la na lem lo va, 80% te chu engtinmah an awm lo zawk. Delta, Alpha leh variant dangte ang bawkin Omicron laka medicine protocol chu a ngai reng a ni.

Minister chuan India mipui 88% te chuan vaccine first dose tal an lak tawh thu sawiin 58% te chu fully vaccinated an nih tawh thu a sawi bawk.

“Omicron variant hi November 24 khan South Africa-ah hmuhchhuah a ni a. He virus beilet tur hian ruahmanna kan siam a, India ramah genome sequencing laboratory 38 kan nei mek a ni. He virus hi kan culture mek a, kan vaccine te a that leh that loh kan zirchiang mek a, karkhat hnuah report kimchang kan nei thei tawh ang” tiin Minister chuan a sawi.

Second wave lai khan oxygen tlakchhamna a nasa tia sawi a ni a, kha vang khan oxygen siam chhuah zankhat thil thuah nasa taka tihpun niin, mahse logistics lama harsatna chu a la awm reng zawk a ni.

Indian Air Force-te rawih niin special tanker hmangin oxygen-te ram dang atanga chawkluh a ni bawk a. “Mahse, damdawi In tam tak te chuan an oxygen quota chu court kaltlangin an nei a, oxygen pek an nih meuh chuan a dahna tur an lo nei lo tawh zawk a ni. Politics inrawlh tir a ni a, hetiang hi tih loh tur a ni” tiin a sawi.

Tun thlengin State te hnenah ventilator 48,000 pekchhuah tawh a nih thu a sawi bawk a. “Second wave lai khan ventilator-te a tha lo tih complaint kan dawng a. Tunah chuan heng khawlte hi a that leh that loh enfiah turin State mawhphurhna kan ti ta a, an enfiah hnuah damdawi In an pe chauh tur a ni” tiin Union Minister chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy