Omicron strain sub-vairant chu World Health Organisation chuan inkaichhawn a awlsam em avangin ‘variant of interest’ ah a puang a.
JN.1 hi khawvel ram hrang hrangah hmuh ni tawhin India, China, UK leh United States ah te pawh a kai an awm tawh a ni.
Mipui nawlpui tan erawh la hlauhawm lutuk lova ngaih niin chumai bakah vaccine in a dang thei tiin WHO chuan a sawi bawk a. Mahse, thlasik laiin Covid inkaichhawn chu a nasa zual zel thei an ti thung.
Northern hemisphere lamah chuan respiratory virus heng flu, respiratory syncytial virus (RSV) leh childhood pneumonia te chu kai an pung thung a.
Covid thlentu virus chu inthlak danglam reng niin chuvang chuan variant thar insiam chhuak thin a ni a. micron chu khawvel huapa variant lar ber a ni mek reng tawh bawk a.
World Health Organization (WHO) chuan Omicron nena inzawmna nei variant hrang hrang te a chhui chiang mek a, chung zingah chuan JN.1 pawh a tel a, mahse, hlauhawm nasa taka ngaih erawh an ni lo chungin JN.1 bik chu a darh chak hle thunga sawi a ni.
United States ah JN.1 chu inkaichhawn nasat ber a ni mek tiin US Centrsr Disease Co and Prevention chuan a sawi a. Covid kai mek 15-19% chu JN.1 a nih thu a sawi.
UK Health Security Agency pawhin JN.1 chu Covid test positive zingah 7% tena an kai mek tiin an sawi bawk.
Khawvel hmun hrang hrangah JN.1 chu darh chak ber a ni a, a chhan ber pawh spike protein-ah BA.2.86 variant te aiin a mutation a chak zawk vang a ni.
JN.1 hian vaccine awm sa ten immunity an pek a kal kan thei em tihah thil chiang taka la awm lo tiin WHO chuan a sawi bawk a. Mahse, variant dangte aia natna a thlen nasat zawkna finfiahna pawh a awm chuang lo tih a ni bawk.
Omicron sub-variant JN.1 lengdarh nasa zel
