Mizoram Remote Sensing Application Centre (MIRSAC) chuan mipuiin awlsam zawka an office an dawr theih nan an website thar leh data order portal chu Ningani khan an tlangzarh.
Website tlangzarhtu principal scientific officer K Lalrammuana chuan tuna MIRSAC hmalakna hi website thar siam ngawr ngawr niloin, a mamawhtute tana space technology leh chumi atanga data siam chhuahte mahni in lum atanga awlsam leh tangkai taka hman theih tura chhawpchhuah chu a tum bul ber a ni tih a sawi.
Data order portal-ah hian scientific data (a bikin Remote Sensing leh GIS technology hmanga siam) chu a mamawhtute tana order theih a ni dawn a. He portal hmang vek hian data order tawhsa chu a download theih dawn. Hemi tur hian a mamawhtute chuan user account siam tur a ni a, he account atang hian an order-te process a nih dan leh download theih hun tur pawh hrilhhriat an ni ang.
Website leh data order portal hi software company, ‘SIRUK’ siam a ni a. MIRSAC website- mirsac.mizoram.gov.in leh data order portal- data.mirsac.in a lutin hman theih a ni
Online-a MIRSAC dawr theih tawh
