Aizawl District Skill Committee chu an chairman, district bawrhsap Dr Lalhriatzuali Ralte kaihhruaiin Thawhlehni khan an thukhawm a. District Skill Development Plan (DSDP) 2023- 2024 chungchangah MGNF fellow Akshaya Jalasteen chuan presentation a pe a. Hemi hnu hian hmachhawp hrang hrang sawi ho a ni.
Mizoten mahni thil siamchhuah, handicrafts lam emaw, ei theih thil emaw online portal-a man chawi loa an zawrhchhuah theihna tur HCL my e-haat nen agreement siamna turte, awlsam taka an bungraw siam an zawrh theihna’n an in-register theih dan tur ngaihtuah a ni.
Tunlaia thiamna leh technology sang zelah, science leh technology lama college leh school zirlaiten nasa taka hma an sawn theihna’n, India hmarchhaka Space Laboratory nei thei hmasa ber nih tuma Vyomkika Aerospace nen inremna thuthlung siam dan tur pawh ngaihtuah a ni bawk.
Hei bakah hian skill development lama hmalakna, IBM Skillsbuild School leh College Chapter Phase-II kalpui leh dan tur leh hmalak dan tur pawh sawi a ni.
Online-a tualchhung thilsiam zawrh theihna tur ruahman tum
