Daily Newspaper

Online Asian Championship-ah medal 12

14

July 10-11, 2021 chhunga khelh zawh 2021 Online Asian Taekwondo Poomsae & Speedkicking Championship-ah India aiawha tel Mizo player 12-in medal an dawng.

Philippine Taekwondo Association buat-saih he online championship hi Open a nih angin qualifying round khelh ngai lova entry tih theih a ni a; India atangin player 40 chhuakin, an zingah hian Mizo 19 an tel.

Asia khawmualpui online inelna hi hlawm hnih – Poomsae inelna leh Speed Kicking inelnaa then a ni a; player-te hian Poomsae thlan bik chi li leh Speed Kicking video-te chu endik tura thawn a ni a, international referee-te’n an video atanga endikiin preliminary, semi-final leh final tura an siam fel hnuah result hi tihchhuah a ni ta a ni.

Mizo player-te hi Poomsae inelna huangah 14 inlanin, mi pariat laiin medal an hlawhchhuak a; Speed Kicking inelna huangah player pasarih telin, an zinga paliin medal an hlawhchhuak bawk.

India aiawhtute hian belhkhawmin medal 22 an sualchhuak a, he’ng zingah hian Mizo player-te’n gold medal pali, silver pahnih leh bronze medal paruk an thawh.

A pumpuiah championship buatsaihtu ram Philippine chu pakhatna niin, South Koreat-in dawt a, India hian pathumna dinhmun an hauh ve bawk.

He championship-ah hian Asia ram hrang hrang 18 atangin player 2,500 lai an tel.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy