Oil siakchhuak tam ram te chuan a man tlahniam zel tur ven nan oil siakchhuah tihtlem an tum a. Saudi Arabia chuan July thla atangin oil siakchhuah million barrel in nikhatah a titlem dawn a ti a, Opex+ te chuan kum 2024 atangin 1.4 million in an titlem dawn an ti bawk.
Opec+ te hi khawvela crude oil 40% vel tharchhuak tute niin an thutlukna siam hian khawvel pum oil man a khawih danglam nghal zel a ni.
Tuna an thutlukna avang hian Thawhtanni khan Asia trade-ah oil man chu 2.4% in a sang zui nghal bawk a. Pathiannia oil tharchhuak tamtu ram inhmukhawmte chuan thutlukna an siam a ni.
Eng nge Opec+?
Opec+ hi oil thar chhuak tam ram 23 intelkhawmte niin khawvel puma oil market hi an thunun a, oil man bithliahtu an ni.
Opec+ ram zingah rau rau pawh core group member 13 an la awm leha heng te hi Opec (Organization of the Oil Exporting Countries) tih te niin Middle Eastern leh African ram te an ni ber a. Opec hi kum 1960 khan cartel anga din niin a tum ber chu khawvel puma oil supply leh a man bithliah a ni.
Opec ram te hian khawvel puma crude oil 30% vel an tharchuak a. Chutah pawh Saudi Arabia chu Opec chhungah pawh oil tharchhuak tam ber niin nikhatah barrel maktaduai 10 chuang a tharchhuak thin.
Kum 2016 khan oil price man a tlakhniam vanglai khan Opec te chuan oil tharchhuaktu dang ram 10 te nena inzawmkhawmin Opec+ an din a. Chuta member zingah chuan Russia pawh telin nikhatah barrel 10 million vel a siakchhuak thei a. Heng ram te hian khawvel poil siakchhuah 40% vel an thunun a ni.
“Opec+ te hian market ah supply leh demand inbuktawkin an siam tlat” tiin Kate Dourian, Energy Institute chuan a sawi a, “Oil demand a hniam laiin supply an titlem tlata a man a sang mai,” tiin a sawi bawk. Opec+ te hian oil siakchhuah an tihtlem chuan khawvel pumah oil man a hniam mai bawk.
Eng vangn nge Opec+ tena oil siakchhuah an tithtlem?
October 2022 khan nikhatah barrel maktaduai hnihin an titlem tawh a, a hnuah 1.16 million barrel in an titlem leh a, tunah tihtlem zual an tum leh bawk a. Khang vaang te khan oil man chu international exchange ah 5% in a sang nghal a ni.
Kum 2020 khan pandemic leng vangin oil siakchhuah nikahtah 9 million barrel in an titlem tawh bawk a. Pandemic len lai khan lockdown a nasat avangin crude oil man nasa takin a tlahniam a, a chhan ber pawh mi veivak an awm loh avangin hralh theih a nih loh vang a ni.
Russia in Ukraine a run hnuah oil man chu a to leh dfar far hle a, a hmaa thla 15 vel a tlakhniam hnuah a to tha leh a. Oil man sang hian khawvel pumah nghawng neiin cost-of-living a tisang lo thei lo bawk a. US chuan Opec+ te chetlak dan chu a sawiselna hle bawk.
Opec+ tena crude oil man an bithliah angin khawvel chu a inher rem mai lo thei lo va, an siak chhuah tam chuan oil mana tlahniam mai a, an siakchhuah tlem chuan oil man a sang a ni mai a. Khawvel market an oil siakchhuah hmanga an thunun tlat avangin ram dang te tan tihvak ngaihna a awm tak tak thei chuang lo.