Daily Newspaper

Oppo Reno 5 5G leh Oppo Reno 5 Pro 5G

10

Oppo chuan an smartphone thar Oppo Reno 5 5G leh Oppo Reno 5 Pro 5G te chu China-ah an tlangzarh ta a, Oppo Reno 5 5G hi 8GB RAM + 128GB storage chu CNY 2,699 (Rs 30,400 vel) man niin, 12GB RAM + 256GB storage chu CNY 2,999 (Rs 33,700 vel) man a ni a, Oppo Reno 5 Pro 5G hi 8GB RAM + 128GB storage chu CNY 3,399 (Rs 38,200 vel) man niin, 12GB RAM + 256GB storage chu CNY 3,799 (Rs 42,700 vel) man a ni ve thung. China-ah chuan pre-order a tih theih tawh a, December ni 18 atangin an hralh chhuak tan dawn a, India-ah chuan tun thla tawp hian a rawn thleng hmanin a rinawm.

Oppo Reno 5 5G hi dual-SIM niin, Android 11 based ColorOS 11.1 a hmang a, octa-core Qualcomm Snapdragon 765 SoC leh Adreno 620 GPU neiin, 8GB/12GB RAM a nei a, 128GB/256GB storage neiin, a storage hi MicroSD card hmangin 256GB-in a tihlen theih.

6.43-inch fullHD+ (1080×2400 pixels) OLED display neiin, 90Hz refresh rate leh 91.7 percent screen-to-body ratio bakah 410ppi pixel density a nei a, a hnungah camera pali- 64-megapixel primary sensor (f/1.7 lens), 8-megapixel sensor (f/2.2 ultra-wide-angle lens), 2-megapixel (f/2.4 aperture) macro sensor leh 2-megapixel portrait sensor a nei a, hmaah selfie atan 32-megapixel sensor a nei bawk.

Connectivity-ah chuan 5G, 4G LTE, Wi-Fi, Bluetooth 5.1, GPS/A-GPS, Glonass, 3.5mm audio heaphone jack, USB Type-C port a support a, sensor hrang hrang a neih zingah in-display fingerprint sensor, geomagnetic sensor, proximity sensor, accelerometer, gravity sensor, leh gyroscope a tel a, 4300mAh battery neiin, 159.1×73.4×7.9mm a lian, gram 180 a rit a ni.

Oppo Reno 5 Pro 5G pawh hi dual-SIM niin, Android 11 based ColorOS 11.1 a hmang a, octa-core MediaTek Dimensity 1000+ SoC leh ARM G77 MC9 GPU neiin, 8GB/12GB RAM leh 128GB/256GB inbuilt storage a nei a, a storage hi microSD card hmangin 256GB-in a tihlen theih.

6.55-inch fullHD+ (1080×2400 pixels) OLED display neiin, 90Hz refresh rate, 92.1 percent screen-to-body ratio leh 402ppi pixel density a nei a, a camera, connectivity leh sensor hi Reno 5 5G nen a inang a, 4350mAh battery neiin, 65W fast charging a support a, 159.7×73.2×7.6mm a lian, gram 173 a rit a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy