Daily Newspaper

Opposition MP 8 ten riahchilhin lungawilohna lantir zel

11

Thawhtannia MP House atanga suspend pariatte chuan zan khuain Parliament huamchhunga Mahatma Gandhi lim bulah hun an hmang.

Remna siam tumin Deputy Chairman Harivansh, opposition tena no-confidence motion kalpui an tum chuan thingpui leh biscuit te pek tumin a pan thung.

Thawhtannia MP suspend te hi TMC MP Derek O Brien leh Dola Sen, CPI(M) MP Elamaram Kareem leh K K Ragesh, Congress MP Rajeev Satav leh Syed Naseer Hussain bakah AAP MP Sanjay Singh te an ni.

Harinvansh an that chhuaha chet a laknaa thingpui leh biscuit a ken hian lukhawng a nei lem lo thung.

MP rual te chuan a chetlak dan chuan awmzia nei tur ni se chuan a hnungah camera rualin an zui lovang, an ti a. “Deputy chairman hi khawiah pawh eng hunah pawh kan lawm tur a ni a. Mahse, mimal angin a lokal mai tur a ni a. Vanduaithlak takin, media mite nen intiropui takin a lokal a ni,” tiin TMC MP Dola Sen chuan a sawi.

AAP MP Singh chuan mimal anga Deputy Chairman huatna kan nei lo va, tun hi inlaichinna siamtha tura chetlakna hun pawh a ni lo. “Chu chu keini pawhin kan hrilh a, Pathianniah khan dan leh hrai pawisakna nei miah lovin bill pahnih a nawr a, vote lak a nih lohna chhan chu MP an tlem zawk vang mai a ni,” tiin Singh chuan a sawi.

Lungawilohna lantir te ei tur hi opposition leader ten an kensak hlawm a. Congress leader Digvijaya Singh chuan sandwiches leh dhokla bakah lassi ken sakin DMK MP Tiruchi Siva chuan idlis leh chutney a kensak thung a, Digvijaya Singh hian lukham leh bedsheet te a kensak bawk.

MP rual te hi hruaitu lawk tak tak National Conference leader Farooq Abdullah, Prime Minister hlui Deve Gowda, Samajwadi Party MP Jaya Bachchan leh Congress leader Ahmed Patel te pawhin an tlawh tawh bawk a ni.

Prime Minister Narendra Modi chuan Harivansh chu nasa taka fak thungin, “Na taka beia hmusit taka titute hnena mahni ngei an dharna neihnaa kala thingpui hluitu Harivansh hian inngaihtlawmna leh rilru zau a nei a ni. A ropuina tarlanin a awm a, Harinvansh lawmpuitu India mipuite ka thlawp a ni,” tiin a sawi thung.

Hei hi chhang letin AAP MP Sanjay Singh chuan Harivansh an thingpui a hlui chu ‘inngaitlawm’ takin a hnawl thu leh sorkar pawhin loneitute thil chu pe let se a duh thu a sawi nghal bawk a.

‘Kan thingpui in tur tan kan bei lo, loneitute chanpual laksak an neih let leh theih nan kan bei zawk a ni. In thingpui te zahtak chung che u in kan hnawl a, khawngaihin loneitute chanpual hlan let ve rawh u’ a ti bawk.

Delhi Chief Minister Arvind Kejriwal thung chuan MP pariat lungawilohna lantira zankhuaa Parliament huamchhunga awm te chu fak thungin khawlum, thosi leh harsatna an tawh hrang hrang te pawh pawisa lova che tiin a fak a.

“Anmahni tan engmah ngen an nei lo. Democracy leh Constitution tana beitute an ni a. India rama loneitute tana hma latute an ni,” tiin Kejriwal chuan a sawi a.

India ram puma loneitute chuan heng dan pawm tak te hian a ti tham ral dawnin an sawi a ni, tiin a sawi bawk a. “Heng bill pahnih hlauhawm tak te hi vote lak miah lova pawm a ni a. Eng nge parliament awm hi nia a, eng nge inthlan hian awmzia a neih? Hetiang anga dan siam a nih chuan eng vangin nge Parliament session in koh?” tiin Delhi Chief Minister Arvind Kejriwal chuan a sawi bawk.

Delhi Deputy Chief Minister Manish Sisodia chuan sorkar lai mek chu British colonial ruler nen tehkhin thungin, “British te rorel dan ang chiah a ni. Loneitute, hnathawk leh sumdawngte an nghaisa a ni. Diriamna kalpui nasat nan black law an siam a, Gandhiji leh hruaitu dang te nena an inhmuh chuan British te khan thingpui an hlui thin. Kan roreltute hian khatiang ang chiah khan rorelna an kalpui a ni,” tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy