Kum 2024 Lok Sabha inthlan atana BJP te paihthla tura electoral strategy siam tuma Opposition te inhmuhhawmna hmasa berah party 16 te chuan an tel tur thu an sawi.
Mahse, Congress president Mallikarjun Kharge leh president hlui Rahul Gandhi te chuan Janat Dal (United) leader leh Bihar Chief Minister nibawk Nitish Kumar an June 12-a meeting a huaihawt turah hian ruahmanna awmsa an neih avangin an tel thei kher lo mai thei thung tih a ni bawk.
Congress te chuan meeting hi June 23-a neih turin sawn ni se an duh a, mahse, party tin te hun hman remchan tlan theih chu a harsa tih hriain hei vang hian ruahman lawk ang chuan kaltlang se pawi an tih loh thu an sawi thung.
Congress te chuan an hruaitu lawk an tirh tur thu an sawi nghal a. “Congress chuan opposition unity a ngai pawimawh tih a lantir duh a, Kharge leh Gandhi aiah hian a Chief Minister pakhat a tir ang,” tiin senior Opposition leader chuan a sawi.
Congress hruaitu lu ber te an tel thei lo a ni mai thei a, mahse, West Bengal Chief Minister Mamata Banerjee leh a nephew Abhishek Banerjee, Delhi Chief Minister Arvind Kejriwal, Maharashtra Chief Minister hlui Uddhav Thackeray leh Nationalist Congress Party (NCP) patriarch Sharad Pawar leh hruaitu dang dang te chuan an tel tur thu an tichiang tawh thung. Tun meeting neih tur hi a tir mai chauh a la ni a, an tum ber erawh Lok Sabha seat tinah BJP te do thei tura candidate intawm siam a ni tih a ni.
A hmain Nitish Kumar leh RJD leader Tejashwi Yadav te nena Delhi a inhmuhna an neihah Gandhi chuan BJP te paihthla tura tanrual nan “chintan shivir” (brainstorming session) neih ni se tiin a lo rawt tawh a. Rahul Gandhi chuan Opposition leader te chu Delhi chhuahsanin hmun dangah ni thum ni li vel lai inkawmhona neia ideology leh politics thila an danglamnate chinfel ni se a ti bawk a. Meeting tum tam tak, mimal leh group ang pawhin kan nei ang, tiin Congress leader chuan a sawi.
Kejriwal tan thung chuan Kharge leh Gandhi te tel lo tur chu a duhawm lo thung a. Tun hnaiah Opposition leader pathum lai Kejriwal hmutute chuan Kejriwal chuan tun hnaiah Kharge emaw Gandhi emaw hmuh a tum apiangin a la hlawhchham an tih thu an sawi a ni.
Delhi Chief Minister hian tun hnai kar hnih vel chhungin Opposition party hruaitu lawk tin te chu Centre ordinance a Delhi a bureaucrats te posting leh transfer ah Lt. Governor thuneihna elected sorkar hnawla a pek dodal tura ngennaah a lo hmu hlawm tawh a ni.
Opposition party-te June 12-ah
