Gujarat-a Bharuch district-a firm pakhatin post ruak 40 hnawhkhah nana walk-in interview a huaihawtah mi 800 chuang inlanin inpawngnekna ang thleng lek lek video thehdarh chu remchangah hmangin Opposition te chuan India rama unemployment sang takah sorkar beih nan an hmang.
Lok Sabha-a Leader of Opposition Rahul Gandhi chuan ‘unemployment disease chuan India ramah epidemic thlengin BJP rorelna state te chu he natna epicentre an ni’ tiin X ah post a siam a.
He video-ah hian hna zawng laite chu interview-na hmun luhna zim taka lut hmasa nih tumin an innek nasa hle a, tlakdalna railing chuan zo lovin a chim hial a ni.
Gandhi chuan, “Narendra Modi a ‘Amrit Kaal’ ah chuan hna pangngai inchuha intlar hi’future of India’ a ni” tiin a sawi.
Congress president Mallikarjun Kharge pawhin BJP te chu beiin, “He video ngei hi BJP tena tun hnai kum 22 chhunga Gujarat mipui te laka ‘cheating model’ an kalpui finfiahna a ni. He video hi Modi sorkar in tun hnai kum sawm chhunga \halaite hna chhuhsaka a tihchhiat zia finfiahna a ni bawk” tiin X ah a post bawk a.
“BJP ten kum tin hna vaibelchhe hnih siam an intiam laiin heng thilte hi thleng zawkin paper leak, recruitment corruption, education mafia, kum tam tak sorkar hnaruak hnawhkhah loh, SC/ST/OBC/EWS post ruak hrereng chunga hnawhkhah duh loh, contract hmanga recruitment Agniveer angte kalpuiin, \halai vaibelchhe tel te chu vakvaia an siam a ni” tiin Kharge chuan a sawi bawk.
Samajwadi president Akhilesh Yadav pawhin video viral chuan Gujarat ‘false development’ model nihna dik tak a lailang a ti bawk a. Sorkar policy te chu unemployment sang tak awmchhan a ni ti bawkin \halaite chuan BJP sorkar chu an nuaithla ang a, BJP an sorkar chhung chuan an tan beisei tur a awm lo tiin a sawi bawk.
Trinamool Congress te pawhin X a an official handel hmangin, “He video ngei hi an chhuan em em ‘Gujarat Model’ chu ni. PM Narendra Modi legacy chu – record unemployment, beidawnna leh buaina” tiin an tarlang bawk.
Shiv Sena (UBT) leader Sanjay Raut pawhin Prime Minister Narendra Modi chu sawiselin, “Mi tin te hnenah ‘vikas’ knowledge a sawi a, mahse Gujart mipuite pawh employment a pe thei lo a nia” tiin a sawi bawk.
Opposition ten Gujarat thil thleng la vung
