Daily Newspaper

Opposition ten House boycott

8

Rajya Sabha Leader of Opposition Ghulam Nabi Azad chuan opposition-te chuan member pariat suspend-na sut a nih hma chuan House proceeding an boycott tur thu a sawi.

Zero Hour hnua thusawina a neihah Azad chuan sorkar chuan private players tena sorkarin a bithliah minimum support price (MSP) aia tlawma food grains an lei khapna bill siam a phut bawk.

Hei bakah hian sorkar chu C2 Swaminathan formula hmanga MSP chu a tul anga bithliah thin turin a ngen bawk.

Thawhtanni khan Rajya Sabha-ah member pariat lai chu sorkarin he mi kaihhnawiha motion a hnua House-in a passed tak hnuah suspend an ni a. Heng member pariatte hi farm bill pahnih Pathiannia pawm tak sawihona neih laia ‘chetdan mawi lo’ a che tia sawi an ni.

Rajya Sabha-a Congress whip Jairam Ramesh chuan House proceedings an boycott-na chhan pasarih a tarlang a.
n Sorkar in Bill a nawr dan duhlohna
n MP pariatte an thu leh hla ngaihthla hauh lova suspend leh danin a phut anga suspnesion motion a vote lak miah loh bawk si
# Leader of Opposition thusawi rem tihloh vang
# Sorkar hian Opposition te ngaihdan a ngai pawimawh lo
# Bill pawimawh te Standing emaw Select Comittee thlir tura dah duh loh vang
# Agriculture kaihhnawih marketing bill pahnihah vote lak remtih loh vang
# MSP chu agricultural marketing law a dah duh loh leh private trade a hman ve remtih loh vang tih te a nih thu Ramesh chuan a tarlang.

Congress, DMK, Trinamool Congress, RJD, Shiv Sena, Left leh AAP te chuan session an boycott ta a ni.

Leader of Opposition GhulamNabi Azad chuan House tun hnai ni hnih chunga thil thlengah tumah an lawm lo, a ti a. “House ah minute tin mai ramri a inbei ang maiin kan inbei a. Hun tiam bithliah pel hlek a kalin buaina 90% kiam mai thei tur a ni,” tiin Azad chuan a sawi a.

“Pathianni kha thil hote anga lang buaina chhuahna a ni ta a ni. Bill te standing committee emaw select committee-ah a kal lo va. Insualna, mic tihchhiat, dawhkana din te kha ka pawm lo. Mahse, duhthlan tur awm tawh lo a ni,” tiin a sawi.

‘Lehlamah party 18 an tang a, lehlamah NDA chauh an awm thung a. Sorkar hian number mamawh tawk a neih leh neih loh ka hre lo,” tiin farm bill chungchang a sawi bawk a.

Kum 2016-a Arun Jaitley thusawi sawi chhuakin vote lak remtihloh a nih chuan sorkar chu dan bawhchhia a ni a tih thu a sawi a. Azad chuan Leader of Opposition dinhmun tihhniam a ni ti bawkin “LoP hi khuahkhirh tur a ni lo. Zalen takin kan tawng thei tur a ni,” tiin a sawi bawk.

“Minimum support price (MSP) sawichhuah chu a hma pawhin kalpui theih a ni a. Vawiinah sorkarin advertisement tichhuakin ‘one nation, one market’ a ti a. ‘One nation, one party’ angin kal lul suh u” tiin Azad chuan a sawi bawk a. Sorkar chuan private company tena MSP an zawm ngei turin sorkar chuan bill a siam tur a ni a ti bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy