Daily Newspaper

Oracle ten TikTok nen inremna siam fel thei ta

9

US tech firm Oracle te chuan TikTok neitute chuan video-sharing app ‘technology partner’ atana an thlan tak thu an sawi.

An inzawmna kimchang chu tarlan a la ni lo va, mahse, hei hian a tum ber chu President Trump-an US a Chinese company TikTok te dan a tumna ata fihlimna a ni.

Trump chuan TikTok te chu September 15 thleng hun lo pe tawhin China company te chuan user data te chu Beijing hnenah an pek vek avangin an hralh loh chuan US-ah an kalpui chhunzawm a remtih dawn loh thu a lo sawi tawh a ni.

TikTok neitu ByteDance te chuan Trump puhna hi hnawl thungin ‘US user data leh privacy te humhim turin turu taka chetlakna an neih’ bakah States leh Singapore ah te data te chu an dah thu an sawi a ni.

Oracle te hi database specialist te niin mahse social media app lamah chuan tawnhriat la nei lo an ni thung.

TikTok hi a tirah chuan Microsoft te nen inremna nei thei ber tura ngaih an ni a, Microsoft te chuan US a TikTok sumdawnna chu lei an tum thu an sawi a. Mahse, Pathianni khan TikTok te chuan an hnawl tak thu an sawi a ni.

TikTok te chuan thuchhuah siamin mahse Oracle chungchang tarlanna an nei lo thung a, “Treasury Department hnenah rawtna kan thehlut tawh a, he mi hmang hian administration lamin security-a ngaihmawh an neih te chinfel a nih theih kan beisei,” tiin an sawi a.

“Rawtna kan siamah US-a hmangtu maktaduai 100 te inpawh nan leh intihhlim nan te, sumdawng tenau leh siamtute dam khawchhuah nan leh career atana TikTok hmangtute kan thlawp zui zel ang,” tiin an sawi bawk.

Oracle share hi New York stock exchange ah 5% in a sang zui nghal a ni.

Oracle chairman, billionaire Larry Ellison hi Trump thlawp tu niin kumin February thlaah pawh khan California-a a chenna Inah Trump tan fundraising campaign a lo kalpui tawh bawk.

Trump chuan a hma in TikTok neitu ByteDance te hnenah tunkar chhhung hi hun pe in US company te hnena hralh turin a lo ti tawh a. An hralh duh lo a nih chuan US company te chu Pathianni atang khian TikTok nena inzawmna neih a khap dawn a, ByteDance te chuan TikTok US operation chu engti kawng pawhin November ni 12 hmain an tihtawp vek a ngai dawn a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy