Japanese Naomi Osaka leh a Belgian coach Wim Fissette chu kum li lai an inzui hnuah an inthen fel.
He thu hi karliamta Zirtawpni daih tawh khan Japanese hian puangin, Belgian kaihhruaina hnuaiah hian Grand Slam title pali a lak zinga pahnih a hlawhchhuak a; nau neih chawlh a lak zawha khelmual a luh leh hnuah chetthat a harsat zui ta tlat a, WTA ranking lamah pawh number 75-na daih a ni tawh.
World number one hlui Osaka chuan Instagram post-ah a coach chhawr lai a ban thu hi tarchhuak chungin kum li chhunga slam pahnih an lakdun thu leh hriatreng tur thil tam tak an neihdun thu a sawi a, coach ropui a nihna piahlama mihring mihrinna zawna mi ropui a nihna kawngah lawmthu hrilh nghalin, a hmalam hun atan duhsakna a hlan nghal.
Tun season-a tournament 16 a khelhah Osaka hian quarter-final tum hnih chiah thleng zoin, Doha leh ‘s-Hertogenbosch chiah kha last eight a thlen awmchhun niin, Grand Slam tournament paliah Japanese player hian second round a pel zo lo vek bawk
Osaka leh a coach an inthen
