Daily Newspaper

Oxford Vaccine clinical trial India ramah kalpui leh mek


University of Oxford Covid-19 vaccine clinical trial thawh hnihna chu tan a ni ta a. He vaccine hi Serum Institute of India (SII) te chuan India ramah siamin Pune-a Bharati Vidyapeeth Medical College and Hospital-ah trial neih a ni.

Hospital thuneitute chuan mipa pahnih kum 32 leh 48 volunteer te lakah enchhinna neih a nih thu sawiin ‘Covishield’ vaccine hi pek an ni a.

Doctor te chuan Covishield vaccine hi volunteer pahnih te hnenah hian 0.5 ml dose chu an antibody test result a negative hnuah pek an ni a. Vaccine pek an nih hma hian an temperature, blood pressure leh heartbeat te chu ensak vek an nih thu Dr. Sanjay Lalwani Medical Director of Bharti Vidyapeeth’s Medical College, Hospital and Research Centre chuan a sawi.

Ni 28 hnuah heng mi pahnihte hnenah hian second dose pek leh tur a nih thu leh chumi atanga ni 180 hnuah hospital-ah an dinhmun ena koh leh chauh tur an nih thu an sawi bawk.

Thuneitute chuan thlaruk a ral hnuah chauh vaccine chu a tha takzet em tih finfiah theih a nih chauh tur thu an sawi a.

Pune-a Phase II clinical trial neihnaah hian mi pangain volunteer an awm thu Dr Lalwani chuan a sawi bawk a.

“Mi pangateah hian Covid-19 leh antibody test neih vek niin heng zinga pathumte antibody test chu a negative avangin trial atangin telh an ni ta lo,” tiin a sawi bawk.

Nisarih chhungin volunteer 25 te ah enchhinna kalpui belh leh tur niin vaccine pek leh tur an nih thu a sawi bawk.

SII te chuan University of Oxford leh British-Swedish pharmaceutical company AstraZeneca te nena tawngkawpin an siam Covishield hi siam turin inremna an ziahpui a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy