Daily Newspaper

PacMan a la tar lo

9

Boxing huanga boxer hriat hlawh leh hlawhtling ber pawl Manny Pac-quiao chuan boxing chawlhsan mai a la tum lo. Kum 42 tling mai tur PacMan hian kum 2020 chhungin inhnek hma-chhawn lo mahse 2021-ah erawh chuan inhnek vawihnih tal hma-chhawn thei turah a inngai a. Hrui-hrual chhungah hnehna lian chang turin a la inringtawk hle.

Filipino hian inhnek a hmachhawn hnuhnun ber chu July, 2019 kha a ni a, Las Vegas-ah Keith Thurman hmachhawn in a chak a, hnehna pawimawh tak a chang a, WBA welterweight kawnghren a hlawh-chhuak leh a nih kha. World champion a nih leh hnuin hmachhawn theih tur boxer lat leh tha tak tak an inlar a, boxer ropui hi hmachhawn an chak hle hlawm. Tunhnai lawkah Kell Brook hneha, WBO welterweight title humhimtu Terence Crawford nen inhmachhawn turin ruahman a ni a, Covid 19 hripui vangin a hlawhchham ta hlauh thung. Pacman hmachhawn leh tura ngaih Terence Crawford hian hnuhma tha tak a nei a. Inhnek vawi 37 hmachhawn tawhin, a la chak vek a ni. Boxer lar Pacman nen an inhmachhawn thei a nih chuan inhnek ngaihven hlawh taka ni ngei ang. Ani bakah hian UFC star Conor Mc-Gregor pawh a khingpui turin sawi rik a ni bawk. Mayweather pawh lo hmachhawn tawhtu McGregor hi a hmachhawn a nih chuan sum hlawm a hai lut ngei tura ngaih a ni.

Weight then hran pariat ngawta champion ni tawh Manny Pac-quiao hian inhnek a chawlhsan dawn niin thuthang a awm a, hei hi naktuk maia kum 42 tling tawh tur Pacman hian pha in, 2021-ah phei chuan vawihnih inlan hman ngei a tum thu a sawi ve thung. Kum tharah hian inhnek liam tham tak hmachhawn tura a inbuatsaih thu a sawi tel bawk.

Boxer hlawhtling Manny Pac-quiao hi Politician niin, ram hruaitu a ni mek a, Philippines-ah senator a ni mek. Ranhruaitu ni mahse inhnek chawlhsan a la tum loh thu Daily Tribune a hrilh.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy