Daily Newspaper

Padmasana posture a thu chunga tui hleuhin record a siam

16

Nagaraj Kharvi chuan padmasana posture a thu chunga tui hleuhin, kilometer khat a thui a hleuh thei a, India Book of Records-ah a hetiang posture-a awm chunga tui hleuh thui thei ber record siamin a hming a chuang ta. Padmasana posture an tih hi vaipa thut kan tih mai ang deuh hi a ni. Nagaraj hi a tuihleuh lai pawh a ke in khawkherh chu a phelh mai loh nan a kein chain-in an thlun belhbawm tlat bawk a ni.

Kalmanja, Bantwal, Mangaluru a primary school zirtirtu Nagaraj Kharvi hian December ni 18 khan Arabian Sea-ah padmasana posture ti chung hian tui hi hleuhin, Tannirbhavi beach-ah a fans bakah chhungkhat laina ten an tawimawm bawk a ni.

Nagaraj hian naupan tet lai atangin tuihleuh a thiam tawh a, Sri Satya Sai Educational Institutions-ah pawh tuihleuh zirtirtu a lo ni tawh thin a, tunah chuan sorkar primary school-ah zirtirtu hna a thawk mek a ni.

Nagaraj hian December ni 18 zing dar 8:55-ah tui hi hleuh tanin, zing dar 9:20-ah kilometer khat hi a hleuh hman ta a ni. Tunah chuan India Book of Records-ah a hming hi a lang ta a, Guinness World Record buah pawh a lan theih ngei a rinawm, a chhan chu Guinness-ah pawh hetiang record hi siam an awm hriat a la ni lo va, Nagaraj hi padmasana posture ti chunga tui hleuha record siam hmasa ber ni a hriat a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy