Kum tam tak chhung chu Pakistan military establishment te chuan Imran Khan chu chhandamtu ni tura an ngaih a ni. Mahse, kum li rorelna a kalpui hnuah an hmelma berah a chhuak ta a, sipaite chuan Imran Khan a thinrimna ata talchhuah chu theihpalingkawha an beih mek a ni bawk.
Ram pumah Imran Khan leh a party te chu nuaichimih tuma beih niin hei vang hian Pakistan chu a buai mup mup a ni.
Inflation a sang a, a history a khawlum ber a tawng mek bawk a, Pakistan ram pum chu Imran Khan a chetlak dan tur ngaihtuahin an buai a, sipai ten an tukzal thei ang em tih te chu titi a tling.
Nikuma a dinhmun atanga phihthlak a nih hnuah Khan thlawptute chuan Khan chuan man a tawk a nih chuan Pakistan chu a kang ang an ti mauh a. Man tuma beih fe hnuah pawh an hlawhchham, 9 May a man a nih tak takah pawh khan paramiliatry forces thahnem turu tak hman hial an ni.
Mahse, Pakistan chu buaiin a kang ta em lo va, mahse, Khan-a thlawptute chuan sipaite chu langsar takin an bei ngam thung. Pakistan a army’s headquarters him ber General Headquarters (GHQ) meuh pawh him lo thei hiala siam a ni a.
Lahore-a sipai general chenna in luhchhuah a ni a, revolution ziarang hmuhtur a awm thlap a, revolution a ni lo tih mai a ni tih a ni. Imran Khan chu a tirah sipaite lawm a ni a, a hnuah an huat a ni thung a. Revolution aimahin inhmangaih te inbakkaih huat zuina a pawl mah thung.
Pakistan prime minister tinte hi Pakistan army te nen an inhal vek emaw tih mai tur a ni. Pakistan prime minister hmasa ber Zulfikar Ali Bhutto chu khaihlum a ni a, a fanu Benazir Bhutto chu tum hnih prime minister atanga paithhlakin a awm a, amah thihchilha a thihna chu investigation mumal a awm hek lo. Nawaz Sharif chu jail-a khung a ni a, ram tlanchhiatsanin a awm a, tunah pawh ram pawnah awmin a nau Shehbaz kaltlangin ram pawn atanga rorel mekin a awm a, mahse, Pakistan-ah a let ngam tawh lo.
Imran Khan man a nih hnuah erawh amah thlawptute chuan tuma la tihngai loh ti ve thungin. Kawtthlera lungawilohna lantir aiah sipai cantonment area chu luhchhuahin mipuite hnenah Pakistan geenral te nun dan chu an lantir ta thung, chung sipai hotu lawk hausa te an in tha turu leh swimming pool leh Arawn te zalen taka an lenna te chu hmuhtirin an awm.
Man a nih hma lawkin Khan chuan Pakistan Army chief of staff general Asim Munir chu an party nuaichimih tumah a puh a, a hma pawhin army chief General Bajwa chu ram phastantu a ti tawh bawk a. ISI general pawh amah tihlum tumah a puh tawh bawk.
Pakistan politicians te chuan tun hma pawhin army institution chu sawiselin an bei tawh thin a, mahse, Khan man a nih hnuah Corps Commander chenna in halte, GHQ suasam ang te chu an la hmu ngai lo.
Pakistan hi inthlan hmachhawn tur a ni a, chutah chuan Khan-a party chu chak ngei tura beisei a ni a. Chutih laiin sorkar lai mek politician te chuan Khan party te Pakistan Tehreek-e-Insaf (PTI) te chu dan pawna hnawl an ngiat thung.
’Tichung chuan Imran Khan chu zalen takin a la awm mek a thung a. Political establishment then danglam veka ngaih a ni a. Army ah pawh amah thlawp an awm tho a, judiciary-ah pawh Khan thlawp an awm tho bawk.
Politics a luhchilhin Pakistan ah politics hnawla ngaina lotute lawm a hlawh a, sorkar thar leh tha dikna rorelna a tiam chuan lawm a halwh a, amah tak erawh eiruk thubuai nei ni thovin amah thlawp lotute pawh sorkar laia lung in a khung duhtu tho a ni.
Thuneihna chhuhsak a nih hnuah amah thlawptute a tithinrim a, chung zinga tam tak te chu hmeichhia leh thalai an ni tlat a, political rally-ah pawh la tel ve ngai lo an ni. Chung mite chuan reformist movement ah telah inngaiin corrupt politicians te namthlak tumnaah inhnamhnawih leh chetlaah an inngai a ni.
Khan ang bawkin tun hma chuan army te ngainatu an ni a, tunah erawh engkimah army te chu mawhphurtuah an ngai tawh. Chutih laiin mi tam tak te chuan Khan chuan army leadership a bei duh tak tak lo, generals te chu amah leh an party thlawp tura a duhna vang an ti ve tho bawk.
9 May khan army high commander te chuan a tawk ta e tiin chet an la zui a, Imran Khan chuan Pakistan-ah populist politica thar a kalpui a ni mai thei a, mahse, Army te chuan hruaitu hmasa te ang bawka namthluk an tum nghet tho thung tia sawi a ni.
Army te chuan mipui rilru neih tumin martar te zahna kaihnawih thil te tlangaupuiin hla leh army te zahna lam an thehdarh a, khawpui liana kawngpui kamah te chuan army te fakna te leh an laka rinawmna te tar chuai chuai a ni a. Sakhua behchhan party te pawh lam tangah an siam zui bawk.
Army te chuan Khan-a PTI party te chu nuaichimih tumin an hruaitute an man abwk a, sipai cantonment beihnaa inhnamhnawih tinte chu ruh vek an tum a ni. Senior party leader thahnem tak te chu PTI chuhuahsan tura turin an awm bawk a, a thenin an chhuahsan tawh bawk a, Khan-an army te a beihna chu ngaidam thei lote pawh an awm.
History thlir chuan Army te chuan civilians te nena inbakkaihnaa awm apiangin chakna an chang ziah a. Imran Khan erawh chuan tun tumah erawh mipuite chu sala tan ai chuan thih thlang turin a ngen thung. Chung thilah chuan tuar nasa ber ber chu Pakistanis mi pangngai te an la ni ta zel a ni.
Tun buaina erawh hun dang zawng aiin a dan a dang thung a. Civilian tam tak a bik takin thalai rual lam te chuan sipai ngainatlohna leh duhlohna nasa tak an lantir a, Pakistan-ah hian politician leh ngelnghet sa tawh a bik takin sipai hotute laka lungawilohna nasa tak a awm sa hrim hrim bawk a, chu chu a alhchhuak tia sawi a ni bawk.
Pakistan-ah Khan leh Army inbei nasa zel
