Pakistan-ah silai hmanga beihna avangin mi 50 chuang boral

Pakistan-ah silai hmanga beihna avangin mi 50 chuang boral
Pakistan hmarthlanglam Khyber Pakhtunkhwa province, Afghanistan nena an inrina bulah lirthei tlan lai chu silai hmanga kah an ni a, hei vang hian mi 50 chuang a hmunah an boral.
Thuneitute chuan he chhiatna thlenna hmun hi Kurram tribal ho chen tamna district chhung a nih thu sawiin, ningani khan mi tutih hriat loh chuan silai hmangin lirthei tlan ho chu a kap chiam mai niin an sawi a, a hmuna boral nghal 50 zingah hian hmeichhe pariat leh naupang panga an tel tih an sawi.
Heng motor tlante hi venhimna pek ni ve bawk mahse, a kaptute hian inruahmanna an nei tha tawk hle a nih an rin thu he lai bial thupuangtu Barrister Saif chuan a sawi a, police escort-tute a beih hma hian lirthei dangte hi a kap phawt niin a sawi.
Pakhtunkhwa chief secretary Nadeem Aslam Chaudhry chuan hliam na zual 11 an awm mek thu sawiin, nunna chan pawh hi an awm belh thut thei niin a sawi bawk.
He thil hi tute tih nge tih leh hel pawlte thiltih a ni em tih chhuichian nghal a ni a, Pakistan thuneitute chuan an chhui chian nghal thu leh a hma aia nasa zawka firfiakte laka beihpui thlak tum a nih thu an sawi.