Pakistan in Khan-a thlawptu sang chuang man tawh
Pakistan police te chuan Imran Khan thlawptu sang chuang an man tawh a, tunhnai khan an hruaitu hlui hi jail atanga chhuah phutin mi tam tak chuan buaina an chawkchhuak thar leh a ni.
Pakistan sipai thupuangtute chuan venhim uluk zual ngai khawpuite chu kharkhip an la nih reng thu an sawi a, punkhawm leh nawrh huaihawt apiang chu man a nih zel tur thu an sawi thar bawk.
Khan hi kum khat chuang zet lung inah a tang tawh a, criminal case 150 chuang siamsak a ni tawh bawk. Mahse, a lar chhunzawm zel thung a, a party Pakistan Tehreek-e-Insaf (PTI) chuan a case neihte hi politics thila inpuhna dik lo mai niin an sawi.
Punjab hmarlam province-a security officer Shahid Nawaz chuan police te chuan Khan-a thlawptu mi 4,000 chuang an man tawh tih a sawi a, an zingah hian parliamentarian panga an tel thu a sawi bawk.
Police te hian teargas hmangin hmun thenkhatah chuan Khan-a thlawptute hi an bei a, Punjab leh Khyber Pakhtunkhwa province-a PTI kulhpui nena inzawm khawpui kalpawhna kawngpui liante chu khar a ni mek.
Sorkar leh sorkar lailawk ministry chuan pathianni hmasa atang khan an ramchhunga security thila harsatna an tawhna hmunah mobile internet service an tihtawp thu an sawi a, boruak ralmuanna hmunah erawh pangngai taka tih nun zel a nih tur thu an sawi bawk.
Pakistan in Khan-a thlawptu sang chuang man tawh
