Pakistan in zenghri vei naupang 50 chuang neih belh
Pakistan National Emergency Operations Center (NEOC) chuan zenghri vei an awm belh leh tawh thu sawiin, kumin chhung ringawt pawhin naupang vei thar 50 an neih tawh thu an sawi.
NEOC tarlan danin an hmuhchhuah hnuhnung ber chu naupang thla 20 mi a ni a, hei hi Khyber Pakhtunkhwa-a Tank district chhunga mi a ni.
An news report thenkhat tarlan danin kumin July thla atang phei kha chuan nitin deuh thaw case nei thar deuh ziah ang an nih thu an sawi a, a then chu inven hman nimahse, ram pum ngaihtuah chuan a lo tam hman tawh hle thin tiin, inven sen a nih loh lek lek thu an sawi.
Thuneitute chuan hri kai darh zel tur ven nan zenghri danna campaign chu neih chhunzawm reng a tul thu an sawi a, buaina karah tih hram dan zawn zel a tul thu an sawi bawk.
Pakistan hian zenghri danna pek beihpui hi tunhnai khan sipaite venna hnuaiah an kalpui a, hmun thenkhatah hel pawlte atanga beih tawk an awm avangin an chawl lailawk leh rih mek a ni.
Pakistan in zenghri vei naupang 50 chuang neih belh
