Daily Newspaper

Pakistan opposition legislator te bang mai thei

15

Pakistan Muslim League-Nawaz (PML-N) vice president Maryam Nawaz chuan vawiin December 8 hian opposition party 11 inzawmkhawm Pakistan Democratic Movement (PDM) te chuan thutlukna pawimawh an siam tur thu sawiin Assembly atangin a huhova an ban mai theih thu a sawi.

Geo News report danin Lahore a party workers social media convention neihnaah Maryam Nawaz chuan provicial leh national assembly member te hnenah, “Assembly member atanga ban tur kan tih chuan thu zawmin in bang mai tur a ni. Eng nawrna hnuaiah mah tlu lut suh u,” a ti niin a tarlang.

Hei mai bakah hian party workers te chu Prime Minister Imran Khan sorkarin an laka thubuai a ziahluhte chu pawm tura ngenin mipui ten sorkarin opposition a hlauh zia hrefiah se, sorkar tih theih tawk chu an laka thubuai siam mai a ni a ti bawk a.

“Heng charge sheet te hi pawm ula, thuikhawmin inchhuang takin parthi ang in awrh rawh u,” tiin party workers te hnenah chuan a sawi bawk a. December 8 hnuah chuan ‘thih leh dam’ dinhmun a ni mai a ti bawk.

PML-N vice presdient chuan PM Imran Khan chu mipuite nena minute hnih lek pawh Pakistan mipuite harsatna hrefiah tura be tura ngenin GDP a chhe zawngin a kal a, mi sang tam takin hna an chan a, damdawi man a to em em a, mipui ten an chan nasat em em tiin a sawi bawk.

Vawiin hian PDM alliance te chuan inhmuhkhawmna an nei ang a. December 13 ah Lahore a Minar-e-Pakistan monument-ah rally huaihawt an tum bawk.

Mahse, Prime Minister Imran Khan chuan a sorkar chuan Pakistan Democratic Movement (PDM) tena anti-government rally an neih a remtih dawn loh thu sawiin an tilui a nih chuan organiser-te lakah thubuai siam a nih tur thu a sawi thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy