Pakistan-a rawlthar boxer Yunas Mehsud, kum 17, South Waziristan district a cheng chuan second 60 chhungin a kut pakhat chauh hmangin vawi 265 a hnek hman a, minute khat chhunga hnek hnem ber, Guinness World Record a siam.
Mehsud hian a ban dinglam chauh a hmang a, record siam tur chuan hnek zawng zawngah hian ban chu a mar at at tur a ni. Hetiang record hmasa zawk chu Egyptian Fares Mohammed Shaban siam niin, ani hian minute khatah vawi 214 a hnek hman ve thung.
Younas hi Pakiatani martial artist Irfan Mehsood hnuaia inzir a ni a, kumin February khan kg 1 a rit keng chunga minute khata hnek hnem ber record a lo siam tawh bawk a, hemi tum hian vawi 161 a hnek hman, a hmaa hetiang record pawh ama siam tho niin, vawi 140 a hnek hman a, a record a khum leh ta a ni.
Younas chuan, “Ka trainer Irfan Mehsood hi ka entawn ber a ni a, ani hian martial arts-ah world record 70 chuang a siam tawh a, keipawhin record siam ve ka tum ta a ni. Ka trainer hian Egyptian boxer record siam chungchang hi min hrilh a, chu record chu khum tumin kan bei ta a, tunah kan hlawhtling ta a, kut pahnih hmanga minute khata hnek rang record siam leh ka tum dawn a ni,” a ti.
Pakistani boxer-in hnek rang record siam
