Pakistani martial artist-in reverse plank record a siam

Pakistani martial artist-in reverse plank record a siam
Pakistani martial artist hriathlawh tak Irfan Mehsood chuan pound 80 (kg 36.2 vel) a sir ak chung reverse plank tirei thei record a siam. Reverse plank chu planking letling zawng tihna ang deuh a ni mai a, a zangthal zawnga ngil leh mar taka awmin, kutphah a innem khalhin, ban an timar ngil at a, keartui leia innghatin, ke zungtangin vanlama kawk a, kaihza leh kawng tithlep lovin, taksa pawh a uai fual bik lai awm lo a, ngil taka awm tur a ni.
Irfan hian Indian Manish Sharma record siam minute 2 leh second 6 chu khumin, minute 2 leh second 28 a ti thei a, record thar a siam ta a ni.
Irfan hi Guinness World Records-ah a mikhual tawh bik lo a, pushup, jumping jack, squat leh martial art lam kaihhnawih thil chi hrang hrangah record a lo siam tawh a, Pakistani martial artist zinga Guinness World Record 100 siam tling thei hmasa ber niin, kum 8 chhungin record 100 a siam tling hman a, tunah hian record 120 a siam tling tawh a ni.