Pakistanin boruak chhia laka him nan vantlang hmun thenkhata luh khap
Pakistan chuan an ramchhunga awm Punjab hmarlam hmun thenkhata boruak bawlhhlawh chho zel laka mipuite him nan nimin atang khan vantlang hmun thenkhata luh a khap.
Heng vantlang hmun thenkhata luh a khap zingah hian sahuan leh park te pawh a tel a, boruak bawlhhlawh chho zel chu chhum zing ang maia a awm avangin zirna inte pawh a lo khar tawh bawk a ni.
Pakistanin zirtawpnia khapna thupek a tihchhuah zingah hian an khawpui Lahore telin park zawng zawng, sahuan, infiamna playground, hmun hlui humhalh leh museum te, mipui punkhawm theihna reng reng chu November ni 17 thleng mipui luh a khap thu a sawi.
Hetih lai hian Pakistan khawpui hi Swiss group IQAir chuan khawvela khawpui bawlhhlawh ber zingah a lo dah fo tawh thin a, an ram sorkar chuan heng vaivut bawlhhlawhte hi an thenawm India atanga boruak tha lo lut avanga tuar ve ta nia insawiin, a mawhphurtuah an thenawm India chu an puh bawk.
Pakistanin boruak chhia laka him nan vantlang hmun thenkhata luh khap
