Egypt chu Israel leh palestinians te intihbuai apianga palai a ni chamchi \hin a. Chumai bakah Palestinian faction te intihbuainaah pawh palai a ni \hin tho bawk.
Egypt chu Arab state zinga Israel nena inremna siam hmasa ber niin kum 1978 khan Jewish state te nena an indo hrep hnuah inremna an siam a.
Tunah erawh Egypt-in Gaza Strip luhchhuahna pawimawh em em pahnih zinga pakhat Rafah Crossing tih mai thununna kawngah Egypt chuan hmun pawimawh ber a luah mek a ni.
Palestinians sang tam tak te chu Raffah crossing border Gaza lamah an innghakkhawm ngukin, \anpuina phurtu lorry tam tak te chu Egyptian lamah an innghak khawm mek bawk a.
Tun thlengin Raffah crossing hawn tur a nih leh nih lohah engmah thuchiang a la awm lo va, Israel chuan tun hnaiah a bei fo bawk.
Cairo pawhin kum tam tak chhung chu Rafah crossing-a chetvelna khuahkhirhna nasa zawkin a siam a, Palestinians te chuan Egypt chu Israel-in Gaza a danna tizualkaiah a puh bawk a. Kum 2007 a\ang khan Hamas chuan an lo thunun tawh a ni.
Raffah crossing thunun a nihna chhan ber hi North Sinai-a security chungchang vang ni berin hengah hian Egyptian thuneitute leh jihadist Al Qaeda ang te nena inzawmna nei te inbakaih rengna a nih vang a ni.
Egypt chuan Raffah crossing hi intiamkamna tel lo chuan a hawng mai duh lo va, a hlauhna chhan ber nia ngaih pawh Gaza a\anga a ramah Palestinian an luh tam lutuk a hlauh vang a ni.
UN humanitarian chief Martin Griffiths chuan Egyptian thuneitute chuan Gazans tam tak ten an ram an luh an hlauh a ni tiin a sawi.
Hei bakah hian Egypt chuan Gaza a\anga Palestinians sang tam tak tena permannet resettlement an neih zui theih mai awm theiah inrawlhna neih a duh lo bawk.
Chutih lai vek chuan Israel chuan Palestinian tam thei ang ber ten Gaza an chhuahsan chu a duh ve thung nia ngaih a ni a. Egyptian Foreign Minister Sameh Shoukry chuan Israeli sorkar chuan crossing hawn a nih theih nana inremna awm theite an la pawm duh lo tiin a sawi bawk.
Palestine buaiah Egypt dinhmun khirh
