India sawrkar leh MNF inremna anga rammutna atanga rawn haw, returnee aiawhte chuan Nilaini khan New Delhi-ah Union Home additional secretary hmu in chhawmdawlna an la mamawhte an thlen.
Returnee aiawhte hi Mizoram Lok Sabha MP C Lalrosanga’n a kalpui a. Hmarchhak bialtu Union Home addl secretary Pijush Goyel hmu in Mizoram inremna thuthlung siam chu hlawhtling hle mah se, returnee-te chhawmdawllna pek dan erawh a tluantling rih lo, tiin, an chenna tur in sakna leh inbenbelna kawngah sawrkar laipui tanpuina an la mamawh hle ti a.
Returnee aiawhte pawhin harsatna an tawh dan leh chhawmdawlna an la hmuh kim loh dante an sawi bawk.
MP hian Myanmar leh Bangladesh atanga sahimna zawnga Mizorama tlanlut Zohnahthlakte dawnsawn leh chhawmdawl chungchang pawh Home addl. secretary hi sawipuiin, mihring dikna leh chanvo humhalh sak bakah a theih ang anga tanpui a ngen.
Home ministry hotu hian Bangladesh sawrkar hotute pawh Mizorama tlanlutte chungchang hi a sawipui tawh tih a lo hrilh a ni.