District Sericulture Office Hnahthial buatsaihin Nilaini khan Hnahthialah ‘Sericulture Farmer’s Annual Meet 2023’ hman a ni.
A hawnna hmanpuitu Hnahthial bawrhsap Chuauhnuna chuan silk farmers (pangang khawitu) kalkhawmte chibai a buk a. A taka hna thawktute hmel hmuh chu lawmawm a tih thu sawiin hetiang hun hman theih chhan chu department hotute vang a nih rualin, sawrkar scheme hlawhtlinna reng reng chu a taka thawktute an ni tih a sawi. Silk Samagra-2 scheme-ah Hnahthial district chu Mizoram pumah beneficiaries tlem ber ni si, a titha ber an ni thei chu chhuanawm a tih thu a sawi a. Department hotute leh farmer-te thahnemngai taka thawk chhunzawm zel turin a fuih.
Sericulture Farmer’s Annual Meet-ah hian kumin chhunga Hnahthial district-a cocoon thar hnem ber leh pangang pakhat tui atanga coccon quality tha ber tehfunga hmangin titha lawmman sem a ni a. Cocoon kg. 28.3 thartu Nunhlanzovi, Rotlang E chu pakhatna niin, kg. 26.2 thartu H Lalsangzuala, Rotlang E leh kg. 21.72 thartu Lalhlimpuia, Rotlang E te chu pahnihna leh pathumna an ni.
An ni bakah hian department-in pangang tui a sem apianga thahnemngai tak khawi thin Rochamliani (Khawhri) hnehah special prize hlan a ni bawk.
Pangang khawite intawkkhawm
![](https://theaizawlpost.org/wp-content/uploads/Untitled-398.jpg)