Telangana-a thingtlang khaw chengker tak atanga rawn chawr chhuak, chhungkaw harsa tak atanga seilian ni mah se rim takin a bei a, a nu Mallamma-i fuihna nen Paniker Kranti chuan Guinness World Record dangdai tak tak a siam thei tlat.
Paniker hnenah a nu Mallamma chuan, “Trick fahrah te te leh juggling tih vel te chu i tan a ho mah mah. Khawvel hriat turin i talent phochhuak rawh; ka fapa i ni tih hi min hmuhtir teh,” tiin a fuih thin. Paniker chuan, “Nikhat chu khawlaia magic ka lo entir vel a, ka nu chuan, ‘Kha kha duhtawk ringawt suh; khawvel inhmelhriat tir tum rawh,’ min ti a. Chu chuan tumruhna min neihtir ta a ni,” a ti.
Tichuan le, Paniker Kranti hian Guinness World Records chu a siam ta ngei a, a record siam pawh a pui hlawm khawp mai-
* Second 60 chhungin table fan vir lai 72 zinga 57 chu a lei (tongue) hmangin a titawp.
* Chem feet 2 a sei 37 dawlh chungin car, a chhunga mi pariat chuang, kg 1944 a rit second 16 chhungin a hnuk tawlh.
* Perek 4-inch 22 chu a hnar (nose) chauh hmangin second 60 chhungin a kilh thei a, a hnar atangin thisen far khat pawh a chhuak lo.
* Tel-so (boiling oil) a ar kan lai second 60 chhung tlang 17 a kut lawngin a la chhuak hman.
Paniker Kranti record siam dangdai
