Daily Newspaper

Paramilitary Force chet vel dan khuahkhirh

17

Aizawl, July 11 : Loneituten mobile phone atanga awlsam taka lo neih leh a kaihhnawih hrang hrang an tangkaipui tur hriat theihna mobile application – ‘Loneitu’ tih chu Ningani khan Agriculture minister C. Lalrinsanga’n a tlangzarh.

Covid-19 hrileng laka inven nan Mizoram sorkar chuan Mizorama paramilitary force che vel a khuahkhirh mek a, Mizoram pawna chhuak an tam loh nan leave pawh inpe lo deuh turin home department-in an ngen.

Home department hotute chuan leave inpe lo deuh tura an ngen thu leh thil dangah pawh veivak lo deuh tura an ngen thu The Aizawl Post an hrilh. An veivah chhan hi transfer vang te, duty vang te, leave lak vang te a nih ber thu an sawi bawk.

Tun hnaiah BSF battalion insawn tur an awm thu, Mizoram leh West Bengal-a mi, batallion puma awmna inthleng tur an awm thu leh chu chu Mizoram sorkarin union home ministry-ah a thlen avanga an chet hun tur pawh tihkhawtlai rih a nih thu home department chuan an sawi.

Mizoramah hian sorkar laipui hnuaia central reserve force/paramilitary force chi nga- BSF, Assam Rifles, BRO, BRTF leh NDRF te an awm a, an chet velnaah state sorkar thu awm lo mah se tun hnaiah Covid-19 natna vei an awm avangin Mizoram sorkarin a theih ang anga khuahkhirh a tum a ni.

Heng force-te hian a hranin quarantine facility an nei a, anmahni hmunhmaa nei te, an camp pawna nei te an ni. Mizoram sorkar chuan heng an quarantine facility hi a endik mek a, anmahni doctor-te bakah Mizo doctor te’n health surveilance an neihpui tawh tih home department hotute chuan an sawi.

Home department hotute chuan inkharkhip tirh atang khan paramilitary force hi Mizoram pawna chhuak tur leh rawn lutte chhinchhiah an nih thu an sawi a, ILP an mamawh ve loh bakah force an nih avanga mahni duhthu-a vei kual thei an ni chungin inkharkhipna ‘lockdown’ puan a nih avangin a chhuak tur leh rawn lut turin an dil phawt a ngai tih an sawi. Tunah pawh hian Mizorama rawn luh dilna a awm nual tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy