Parliament-a buaina siama meikhu tichhuaktu sulsutu ber chu Lalit Jha a ni thei tia sawi a ni a. Jha hi national capital atanga 125 km a hla khua Neemrana ah hmuh hnuhnun ber a nih thu Delhi Police te chuan an sawi.
Nilaini khan mi pahnihte chuan Lok Sabha chhungah yellow smoke canister phuhin mipa leh hmeichhia in red leh yellow canister chu Parliament pawnah dictatorship kan duh lo tia auin an phuh bawk.
December 13 kher thlan a nihna chhan hi Lalit Jha ruahman tia sawi a ni a, a chhan ber pawh Pakistan-a inbun terror group tena old Parliament building an beih champha 22-na a nih vang nia ngaih a ni.
Jha hi Kolkata-a cheng niin zirtirtu a ni a, revolutionary Shaheed Bhagat Singh ngaisangtu niin ram pum ngaihven thil eng emaw tih a duh tia sawi a ni a. Mahse, terror group-te nen engmah inhnimhnaihna an neih erawh hriat a ni lo.
Police te chuan Jha hian heng mi – Sagar Sharma leh D Manoranjan (Lok Sabha chhunga lut) leh Neelam Devi leh Amol Shinde (Parliament pawna awm), bakah Vicky Sharma te chu a hma niin Gurugram-ah a inhmuh-khawmpui tia sawi a ni bawk.
An paruk hian Parliament chhunga luh duh leh tum vek niin mahse Sharma leh Manoranjan te chauhin visitors’ passs an hmu thei a, chu pawh BJP MP Prathap Simha office atanga pekchhuah a ni. Simha, Mysuru lawmaker chuan engmah an ni nen inhnamhnawihna an nei lo a ti bawk.
Parliament chhunga a luh ve theih loh avangin Bihar chhuak Jha chuan Parliament pawna smoke canister tihchhuah lai vel chu a mobile phone-a lo la in a tlanchhiat hma in social media-ah a post zui bawk a. Chu mai bakah a clip chu media coverage tha a hmuh theih nan Kolkata-a inbun NGO te a thawn bawk.
Mhase Jha hi he NGO General Secretary tia tarlan zinga tel niin police ten an chhui chiang mek bawk a. Jha hian a thiante plai mobile phone hi a laksak lawksa vek bawk a, police-te chuan mobile phone chhunga thil awm te chu Jha hian nawhreh a tum an ring bawk.
He thil thleng kaihhnawiha inhnamhnawihna neia puh midang Sagar Sharma (Lucknow), Manoranjan (Mysuru), Neelam (Hisar), leh Amol (Latur), te bakah Vicky Sharma te chu man an ni vek tawh bawk.
Heng mite hian police-te hnenah issue heng unemployment te leh Manipur-a buaina thlengte chu an chetlakna chhan tia sawiin heng issue te hi MP tena an ngaih pawimawh an sawiho theih nan an rilru lakpen an duhna tiin an sawi.
Parliament a buaina siamtu hotu nia rin hria
