Thawhtanni atang khan Parliament Monsoon session neih tan a ni a. Session tan hma ni a neih thin All Parliamentary Leader thutkhawm chu Pathianni khan neiin, Mizoram Lok Sabha leh Rajya Sabha MP ten thu an sawi ve ve.
Lok Sabha MP Richard Vanlalhmangaiha chuan hmarchhak state-te tana NLCPR 10% reserved thin a ni ang hian, corporate social responsibilty (CSR) Fund chu North East tan 10% reserved a nih theih nan tun Budget Session-ah hian sawiho tura chhawpchhuah ve ni se a duh tih a sawi a ni.
Rajya Sabha MP KVanlalvena chuan Remal Cyclone-in kumin May 28-a Mizoram a nuai avanga Aizawl khawpuia mi 30 thihna leh chhungkaw 40 chuang chenna in hloh an awm thu, quarry chim avanga mi 14 thihna, July 2-a leimin avanga mi pathum thihna bakah fur ruah sur nasa avanga Mizoram hmun hrang hranga leiminin motor kawngpui a tih chhiat, tui lianin leilet leh thlai a tih chhiat nasat thu te auchhuah puiin, Disaster Management & Rehabilitation (DM&R) Mizoram tan fund pek belh a tul tih a sawi a ni.
All Parliamentary Leader thutkhawm hi Union minister of Parliamentary Affairs Kiren Rijiju chuan a kaihruai a. Union Defence minister Rajnat Singh leh Leader of Rajya Sabha JP Nanda ten an telpui bawk.
Parliament urlawknaah Zoram mamawh MP pahnihin an sawi
