Site icon The Aizawl Post

Party dang inzawrhna BJP neih sa

Party dang inzawrhna BJP neih sa
Political party dang inzawrhna ho chu BJP chuan a neih sa reng a ni tiin, hmasawnna atan an party chu mipuiin sawrkarna an pek a ngai tih BJP Mizoram vice president R Vanramchhuanga chuan a sawi.
BJP State Hqrs office-a inkhawmah R Vanramchhuanga chuan Mizorama party-ten sawrkar an tumnaah bawm hrang hrang leh kalphung hrang hrang zuar thin mah se, party kan hmuh tawhte kalphung erawh an sawi aia chianga hretu chu mipui kan ni a, an thusawi chu dawt leh an tih theih loh tur a ni tih a sawi.
“BJP chuan system fel tak kan neih avangin party dangten Mizoram tana an inzawrhna leh an duhthusam an sawi thin ang chu BJP-ah chuan kan system avangin kan nih dan sa a ni a. That loh theih lohna bawm an zawrh hi keini ah chuan zawrh ngailoin a ni nghal a, kalphung thar an tih pawh hi, BJP sawrkar chu Mizoram tan chuan kalphung thar, Mizorama sawrkar kan hrawn tawhte kal dan anglo, mipui tana hmasawnna thlen hi a ni zawk. Party hrang hrangin thil thar zawrha an zawrh hi BJP chuan kan nihphung ve reng a ni a, an zawrh aia tha zawk hi kan kalphung a ni tih Mizoram mipui ka hrilh duh a ni,” a ti.
Bumin awm tawh thin mah ila, min bumtute lak atanga talchhuakin, kumin MLA inthlanpuiah Mizorama hmasawnna kan hmuh ngai loh leh kan beisei phak loh chu BJP chuan a tak ramah a chantir thei a ni tih hria in, hmasawnna atana thil ti thei tura BJP thlan a pawimawh tih State BJP vice president hian a sawi

Exit mobile version