Congress senior vice president Lalnunmawia Chuaungo, IAS (Rtd) chuan Zemabawka leimin vanga thi pathum chu Nilaini khan an party hmingin a ral a. YMA hnatlangte hnenah an mamawha an hman turin Rs. 5000 a hlan bawk. Congress party atangin Aizawl Municipal corporator pahnih Rosiamngheta leh Zodingpuii ten an tawiawm a ni.
MPCC thuchhuak chuan, tunlai chhiatna thlengah chhiatna tawkte a tawrhpui tih a sawi a. Zoram hmun tina an party miten tanpui ngaite tanpui turin an ngen tih a sawi.
ZPM Gen. Hqrs. pawhin Thawhlehni khan Zemabawka leimin avanga nunna chante hi an lo ral tawh a. Vice president pahnih W.Chhuanawma MLA leh VL Zaithanzama MLA bakah MLA Lalmuanpuia Punte te a hmunah kalin thil thlen dan an en a, hnatlang thingpui lumna atan Rs.10000 an hlan a ni. Nunna chante ruang dahna hmunah kalin ralna thilpek leh pangpar an dah a ni.
Party-ten chhiat tawkte ral
