Ni thum chhungin MLA pahnih chuan party zawm tur an neih avangin an nihna atangin banna an thehlut a. Palak bialtu MLA KT Rokhaw hnu ah, Siaha bialtu MLA Dr K Beichhua chuan MLA atanga banna a thehlut a, pawmsak a ni.Kum 2018-a MNF ticket-a Siaha Assembly bial atanga thlantlin Dr K Beichhua hi minister of state-a dah niin, a nihna atanga banna thehluh tir a nih hnu ah, MNF party atangin ban a ni bawk. BJP zawm tura thu a tih tluk hnu ah October 5 khan MLA atanga banna hi Assembly Secretariat commissioner & secretary Lalhmahruaia Zote hnenah a thehlut a, Assembly speaker-in a pawmsak nghal a ni.
MLA inthlanpui neih turah Siaha bialah vek hian BJP ticket-in candidate a chang dawn tih tihchian a lo ni tawh a ni.
October 3 khan Congress ticket-a 2018 inthlanpuia Palak bial atanga thlantlin KT Rokhaw chuan Assembly speaker hnenah MLA atanga banna hi a lo thehlut tawh a, a ni hi Palak bialah vek hian MNF ticket-a MLA chuh leh tura sawmna a pawm vang a ni.
Assembly speaker Lalrinliana Sailo chuan thuthar thehdarhtute zawhna a chhan danin, tuna ZPM party thlawp independent candidate-te pawh hi, tun MLA inthlanah ZPM official candidate an nih dawn chuan tuna MLA an nihna hi an bansan phawt a ngai dawn niin a lo sawi tawh a. An ban phawt loh chuan, hektu an awmin, dan hnuaiah an him dawn lo tih a sawi a ni.
Party zawm thar turin MLA nihna bansan leh
