Peru sorkar chuan kum 1900 a piang kum 124 a upa tia a sawi chu khawvela cheng meka upa ber a ni a ti a. Hei hi finfiah a nih chuan Peru a Andean mountain chuan damreina thuruk a nei mai thei tia sawi a ni bawk.
Peru sorkar chuan tualchhung mi Marclino Abad, cental Peruvian region Huanuco a cheng mek chu kum 124 mi niin a sawi a, finfiah a nih chuan mihring tena an finfiah china kum upa ber a ni fal nalh dawn a ni.
“Huanuco flora leh fauna reh raihah Marcelino Abad Tolentino chuan nun hrisel tak leh chhung lama hlimna nei chungin nun a hmang a. A hrisel tha a, kawm a nuam em em bawk” tiin sorkar thuchhuak chuan a sawi.
“Kum sawm dan 12 paltlangin April 5 khan candle 124 lai a chhem hlum leh chiah a ni” tiin Peruvian thuneitute chuan Abad chu Guinness World Records tena an enfiah turin an pui mek tiin an sawi bawk a.
“Guinness World Records te chuan mimal upa bera inchhal atangin ngenna tam tak an dawng thin” tiin Guinness te chuan thuchhuah an siam zui nghal a. Finfiah tur chuan official document te leh finfiahna hrang hrang te chu expert team tena uluk takin an enfiah leh zirchian leh vek thin a ni a ti bawk.
Guinness World Records chuan a chhinchhiah danah chuan thla kaltaa Venezuelan mi kum 114 mi a thih hnuah tuna damlai zinga upa ber chu Briton mi kum 111 ni mek a ni a. Hmeichhe zinga dam rei ber chu kum 117 mi a ni a, kum upa ber chhinchhiah chu kum 122 mi a ni.
Abad hi khaw tereuh te Chaglla ah piangin tukhawkha hriatloha awmin kum 2019 khan Peruvian sorkar chuan ngaihsak tanin sorkar ID leh pension te a pe zui a ni.
April 5 khan a kum 124 cham lawmin Abad chuan a hriselna that chhan chu thei lam a ei nasa a, beramsa a ei nasa bawk tiin a sawi.
Chubakah coca hnah a thial thin bawk a, coca hnah thial hi chu Peru Andean community te tih tlanglawn a ni. Marcelino Abad Tolentinohi tunah kum upa te chenna bikah a awm mek a ni.
Paru sorkarin khawvela kum upa ber kum 124 mi kawlah inchhal
